Kalpah 2.4.6.1

2.4.6.1

agniṃ ceṣyamāṇa ukhām̐ saṃbharetpaurṇamāsyāmamāvāsyāyāmekāṣṭakāyām̐ vā 1 prākṛtīṣu sam̐ sthāsu ṣoḍaśivarjamagnimuttaravedyāṃ cinvīta 2 sāvitranāciketo vānagnirvottaravediṃ cinvīta sattrāhīneṣu 3 tūṣṇīṃ juhūm̐ saṃmṛjya sruvam̐ saṃmārṣṭi 4 juhūmaṣṭagṛhītena pūrayitvā yuñjānaḥ prathamaṃ mana ityaṣṭau nigadyāhutiṃ juhoti 5 yadi kāmayeta yajñam̐ yajñayaśasenārpayeyamiti deva savitaḥ prasuva yajñami-tyetāmūrdhva m̐! yajuṣaḥ kuryāt 6 ṛcā stomam̐ samardhayeti caturgṛhītaṃ juhoti 7 uttarato gārhapatyasya devasya tvā savituḥ prasava ityabhrimādatte vaiṇavīṃ kalmāṣīm̐ suṣirāmubhayatastīkṣṇāmanyatarato vā 8 agreṇāhavanīyaṃ pratūrta m̐! vājinnā-dra vetyaśvamabhimantrayate yuñjāthām̐ rāsabhamiti gardabham 9 yogeyoge tavastarami-tyabhipravrajantyaśvamagrato nayanti 10 agniṃ purīṣyamaṅgirasvadābhareti japati 11 agniṃ purīṣyamaṅgirasvadachema iti sametya puruṣamabhimantrayate yasya vārjam̐ vivṛñjiṣet 12 yataḥ sūryasyodayanaṃ tato valmīkavapāmapaghnannagniṃ purīṣya-maṅgirasvadbhariṣyāma iti brūyāt 13 anvagniruṣasāmagramakśaditi valmīkā-dabhipravrajanti 14 āgatya vājyadhvānamityākhānaṃ prāpya japati 15 ākramya vājindyauste pṛṣṭhamiti dvābhyāmaśvamākramayati 16 ākramyamāṇe yajamāno yaṃ diṣyāttaṃ brūyādamumabhitiṣṭheti 17 utkrāmetyutkramayati 18 udakramīdi-tyaśvamabhimantrayate 19 ā tvā jigharmyā viśvataḥ pratyañcamiti dvābhyāmaśvapade juhoti 20 pari vājapatistvamagne dyubhiḥ pari tvāgne puram̐ vayamityekaikayā parilikhati 21 sāvitrairabhrimādatte caturbhiśchando'ntaiḥ 22 devasya tvā savituḥ prasava ityanuvākaśeṣeṇa khanati 23 apām̐ pṛṣṭhamasīti puṣkaraparṇa m̐! viveṣṭayati 24 śarma ca sthaḥ sam̐ vasethāmityuttarata ākhānasya kṛṣṇājinaṃ puṣkaraparṇaṃ ca sam̐ stṛṇātyadhastāṣatṣṇājinaṃ prāggrīvamuttaralomamupariṣṭānnābhi prāgdvāraṃ puṣkaraparṇam 25 tasminpurīṣyo'si viśvabharā iti yajuṣā purīṣamā-vapatyṛgbhistisṛbhiśca tvāmagne puṣkarādadhi tamu tvā dadhyaṅṅṛṣistamu tvā pāthyo vṛṣeti gāyatrībhirbrāhmaṇasyottarābhistriṣṭubbhī rājanyasyottamābhirjagatībhirvai-śyasya 26 yaṃ kāmayetardhnuyāditi tasya gāyatrībhiśca triṣṭubbhiśca saṃbharedgā-yatr! yābhyādāya triṣṭubhā nivapati 27 ayaṃ te yonirṛtviya iti nyuptamabhimṛśati 28 apo devīḥ saṃ te vāyurityadbhirākhānamupasṛjati 29 sujāto jyotiṣeti purīṣamabhimantrayate 30 vāso agne viśvarūpamityupanahyati mauñjena dāmnārkamayeṇa vā 31 udu tiṣṭha svadhvarordhva ū ṣu ṇa ityādāyottiṣṭhati 32 sa jāto garbho asi rodasyoriti japati 33 sthiro bhava vīḍvaṅga iti gardabha ādadhāti 34 śivo bhava prajābhya iti purīṣamabhimantrayate 35 aśvaprathamāḥ pratyāyanti 36 praitu vājītyaśvamabhimantrayate nānadadrā sabhaḥ patveti gardabhamagna āyāhi vītaya iti purīṣam 37 ṛtam̐ satyamṛtam̐ satyamiti puruṣam̐ yena saṃgacheta tamabhimantrayeta 38 dakṣiṇata āhavanīyasya kharaṃ kṛtvā pariśrayati 39 tasmindarbhānā-stīryauṣadhayaḥ pratigṛbhṇīteti dvābhyāṃ khare sādayati 40 aśvagardabhāvadhvaryave dadāti 41 6.1.1