Kalpah 2.4.6.8

2.4.6.8

uttarasminnam̐ se puruṣacitimupadadhāti 1 mā chanda itiprabhṛtayaḥ paryāyāsteṣā-mekaikena paryāyeṇa yugapattisrastisra upadadhāti .. dhruvāḥ sīdatetyantena 2 uttarārdhātsarpaśiraḥ sarpanāmabhiḥ parācīnamupadadhātyanudiśedvā nopadadhyāt 3 apām̐ tvemantsādayāmītiprabhṛtibhirapasyā dikṣu pūrvārdhādupakramya pradakṣiṇaṃ pañca-pañcopadadhāti .. gāyatreṇa tvā chandasā sādayāmītiprabhṛtibhiśchandasyā uttarata upadadhāti 4 ayaṃ puro bhūritiprabhṛtayaḥ paryāyāsteṣāmekaikena paryāyeṇaikaikāṃ daśadaśa prāṇabhṛta upadadhāti dakṣiṇasminnam̐ se savyāyām̐ śroṇau dakṣiṇāyām̐ śroṇau savye 'm̐! se madhye pañcamam 5 prācī digvasanta ṛturiti paryāyāḥ sam̐ yata upadadhāti yathā prāṇabhṛtaḥ 6 avakāsvṛtavyā .. madhuśca mādhavaścetiprabhṛtayaḥ paryāyāsteṣāmekaikena paryāyeṇa yugapaddvedve cityāṃcityāmiṣṭake upadadhāti catasro madhyamāyām 7 agnerantaḥśleṣo'sīti yathartu sarvatrānuṣajati dhruve sīdatamityantena 8 agneryānyasīti daśa sam̐ yānyastāsāṃ dvedve cityāṃcityā-miṣṭake upadadhāti 9 tvāmagne vṛṣabhaṃ cekitānaṃ punaryuvānaṃ janayannupāgām . asthūri nau gārhapatyāni santu tigmena nastejasā sam̐ śiśādhi .. ityṛṣabheṇa cityāṃcityāmiṣṭakā upadadhātyṛjulekhāḥ puche samaṃ paścātprācīṃ purastā-tpratīcīmupadadhāti dakṣiṇāvṛto dakṣiṇata ātmanyudagdvārāḥ pratyagdvārāḥ pakṣe savyāvṛta uttarata ātmani dakṣiṇādvārāḥ prāgdvārāḥ pakṣe 10 lokaṃpṛṇayā citim̐ saṃpūrayati 11 agne dhāmānīti svayamātṛṇṇāloke citiṃcitimabhimṛśati 12 agne kahyeti svayamātṛṇṇāloke citiṃcitimabhijuhoti 13 yā ta iṣuryuvā nāmeti sarvatrānuṣajati 14 yo apsvantaragnirityekaikayā citihomānanumantrayate dvābhyāmuttamam 15 aśvam̐ śyāvamālabhya pṛṣṭo divīti cātvālātpurīṣeṇa citim̐ saṃchādayati saṃchādayati 16 6.1.8
iti cayane prathamo'dhyāyaḥ