Kalpah 2.6.1.5_56

2.6.1.5_56

1.8 athāṣṭamaḥ paṭalaḥ .
barhiṣā vedim̐ stṛṇāti .
tṛṇairantardhāyākṣṇayā śulbam̐ stṛṇāti .
dakṣiṇaṃ vedyantamityekeṣām .
devabarhirūrṇāmradasaṃ tvā stṛṇāmītyagrairmūlānyācchāda- yanbahulamanatidṛśnaṃ prāgapavargaṃ vā tridhātu pañcadhātu vā .
dhātau dhātau mantramāvataryati .
anuyājārthe ulmuke udū(du)hyā''havanīyaṃ kalpayitvā pratyādāya prastaraṃ paridhīnparidadhāti .
gandharvo'sītyapareṇā''havanīyaṃ barhiṣyudagagraṃ madhyamami- ndrasya bāhurasīti dakṣiṇārdhyam̐ sam̐spṛṣṭaṃ madhyamenābhyagraṃ mitrāvaruṇau tvetyuttarārdhyam̐ sam̐spṛṣṭaṃ madhyamenāgram .
sūryastvā purastātpātvityāhavanīyamabhimṛśya .
ūrdhve ādhārasamidhāvādadhāti vītihotraṃ tvā
kava iti dakṣiṇāṃ tūṣṇīmuttarām̐ samidasyāyuṣe tveti vā .
samāvanantargarbhau darbhau barhiṣo vidhṛtī karoti .
viśo yantre sya iti madhye vederbarhiṣyudīcīnāgre nidadhāti .
vasūnām̐ rudrāṇāmiti tayoḥ prastaram̐ sādayati .
juhūrasīti prastare juhūm̐ samaṃ mūlairdaṇḍam .
upabhṛdasītyuttarāmupabhṛtamadhastādvidhṛtyoḥ pratikṛṣṭatarām .
dhruvā'sītyutarāṃ dhruvāmupariṣṭādvidhṛtyoḥ pratikṛṣṭatarāmasam̐spṛṣṭām̐ sādayati .
ṛṣabho'si śākvaro vaṣaṭkārasya tvā mātrāyām̐ sādayāmīti dakṣiṇena juhūm̐ sruvam̐ sādayati dhruvāṃ vottareṇarṣabho'si śākvaro ghṛtācīnām̐ sūnuḥ. priyeṇa nāmnā pripe sadasi sīdeti vā .. 26 ..