Kalpah 2.6.1.p23

2.6.1.p23

āpo devīḥ śuddhāḥ sthemā pātrāṇi śundhata . upā- taṅkyāya devānāṃ parṇavalkamuta śundhateti vā .
śundhadhvamiti triḥ sarvābhiruttānāni pātrāṇi prokṣati śundhantāṃ viśvakarmāṇi devayajyāyai daivyāya karmaṇe śundhadhvaṃ yadvo'śuddhāḥ parājagmustadva etena śundhatāmiti vā .
etā ācaranti madhumadduhānāḥ prajāvatīryaśaso viśvarūpāḥ . bahvīrbhavantīrupajāyamānā iha va indro ramayatu gāva iti gā āyatīḥ pratīkṣate .
dhṛṣṭirasītyupaveṣamādāya .
nirūḍhaṃ janyaṃ bhayam̐ saha tena yaṃ dviṣmaḥ subhūtāya śrayadhvamiti tena gārhapatyādudīco'ṅgārānnirūhya .
mātariśvana iti teṣu kumbhīmadhiśrayati .
aprasram̐sāya yajñasyokhe upadadhāmyaham . paśubhiḥ saṃnītaṃ bibhṛtāmindrāya śṛtaṃ dadhīti vā .
bhṛgūṇāmaṅgirasāṃ tapasā tapyasvetyaṅgāraiḥ parīndhe .
upasṛṣṭāṃ me prabrūtāditi saṃpreṣyati .
vasūnāṃ pavitramasi sahasradhāramiti kumbhyāṃ prāgagram̐ śākhāpavitramādadhāti .
anvārabhya vācaṃ yacchati dhārayannāste .
adityai rāsnā'sītyabhidhānīmādatte .. 9 ..