Kalpah 2.6.1.p24

2.6.1.p24

trayastrim̐śo'si tantūnāṃ pavitreṇa sahā''gahi . śiveyam̐ rajjurabhidhānyaghniyāmupasevatāmiti vā .
pūṣā'sīti vatsamupasṛjati .
dhāvantaṃ vā'numantrayate .
vihāraṃ gāṃ copasṛṣṭāmantareṇa mā saṃcāriṣṭeti saṃpreṣyati na duhyamānāmantareṇa yanti vihāraṃ gāṃ ca .
yadi vyaveyātsāṃnāyyaṃ mā vilopīti brūyāt .
ayakṣmā vaḥ prajayā sam̐sṛjāmi rāyaspoṣeṇa bahulā bhavantīrityupasṛṣṭām .
ūrjaṃ payaḥ pinvamānā ghṛtaṃ ca jīvo jīvantīrupa vaḥ sadeyamityupasannām.
dyauścemaṃ yajñaṃ pṛthivī ca saṃduhānāṃ dhātā somena saha vā tena vāyuḥ . yajamānāya draviṇaṃ dadhātviti duhyamānāmutsaṃ duhanti kalaśaṃ caturbilamiḍāṃ devīṃ vadhumatīm̐ suvarvidam . tadindrāgnī jinvatam̐ sūnṛtāvattadyajamānamamṛtatve dadhātviti dhārāghoṣamanumantrayate .
dogdhā harati .
taṃ pṛcchati kāmadhukṣaḥ pra ṇo brūhīndrāya havirindriyam .
amūṃ yasyāṃ devānāṃ manuṣyāṇāṃ payo hitamityasāviti godhugācaṣṭe .
sā viśvāyuriti pratyucya .
devastvā savitā punātu vasoḥ pavitreṇa śatadhāreṇa supuveti kumbhyāmānayati .
yadanyatsaṃpraiṣāttenottare dohayati .
sā viśvavyacā iti dvitīyām̐ sā viśvakarmeti tṛtīyām .
tisro dohayitvā bahu dugdhīndrāya devebhyo havyamāpyāyatāṃ punarva tasebhyo manuṣyebhyaḥ punardohāya kalpatāmiti triḥ saṃpreṣyati . visṛṣṭavāgananvārabhya .. 10 .. uttarā dohayati tūṣṇīṃ vā .
sarvāsu dugdhāsu hutaḥ stoka iti vipruṣo'numantrayate .
dyauścemaṃ yajñamiti sāṃnāyyam .
dohanam̐ saṃkṣālya saṃpṛcyadhvamiti kumbhyāmānayati .
śrapayitvā tūṣṇīkena sarpiṣā'bhighārya .
dṛm̐ha gā bṛm̐ha gopatiṃ mā vo yajñapatī riṣaditi prācīnamudīcīnaṃ prāgudagvā karṣannivodvāsayati .
pūrvedyurdugdhaṃ dadhi ddavirātañcanamekasyā dvayostisṛṇāṃ vaikāhe dvyahe tryahe vā satatamabhidugdhamaupavasathādbhavati .
somena tvā''tanacmīti tena śītaṃ budhnaṃ kṛtvā''- tanaktīndrasya svā bhāgam̐ somenā''tanacmīti vā .
taṇḍulaiḥ parṇavalkaiḥ kvalairbadaraiḥ pūtīkairvā .
yajñasya saṃtatirasi yajñasya tvā saṃtatimanusaṃtanomītyagnihotroccheṣaṇamānayati tūṣṇīṃ vā .
āpo haviḥṣu jāgṛta yathā deveṣu jāgratha . evamasminyajñe yajamānāya jāgṛtetyapidhānārthe pātre'pa ānayatyadastamasi viṣṇave tvā yajñāyāpidadhāmyaham . adbhirariktena pātreṇa yāḥ pūtāḥ pariśerata ityapidadhāti .
yadi mṛnmayam̐ syāttṛṇaṃ kāṣṭhaṃ vā'nupravidhyet .
imau parṇaṃ ca darbhaṃ ca devānām̐ havyaśodhanau . prātardheyāya gopāya viṣṇo havyam̐ hi rakṣasītyunmucya śākhāpavitraṃ prajñātaṃ nidadhāti .
viṣṇo havyam̐ rakṣasveti sānāyyaṃ gārhapatyadeśa upari nidadhāti .. 11 ..