Kalpah 2.6.16.36

2.6.16.36

saṃvādam̐ saṃnivapanaṃ kṛtvā dīkṣaṇīyāprabhṛtīni karmāṇi kurvate . ya ito'gnirjaniṣyate sa naḥ sarveṣāṃ yadanena yajñena jeṣyāmo'nena satreṇeti .. (kha02) . atra saṃvāde
brūyuradhvaryurgṛhapatiṃ dīkṣayitvā madhyataḥ kāriṇo dīkṣayati hotāraṃ brahmāṇamudgātāram . pratiprasthātā'dhvaryuṃ dīkṣayitvā'rdhino dīkṣayati maitrāvaruṇaṃ brāhmaṇāccham̐sinaṃ stotāram . neṣṭā pratiprasthātāraṃ dīkṣayitvā tṛtīyino dīkṣayati . acchāvākamāgnīdhraṃ pratihartāram . unnetā neṣṭāraṃ dīkṣayitvā pādino dīkṣayati grāvastutaṃ potāraṃ subrahmaṇyam . tatastaṃ pratiprasthātā dīkṣayati . anyo vā dīkṣito brāhmaṇa evamanupūrvaṃ dīkṣeran . nātantrībhāvādekaikamapavargayati . anyagotravyavāyāt samānagotrāṇāmārṣeyāṇāmabhyāvartate . patnīnāmekasthāne patnīrdīkṣayanti . tāsāṃ yājamānairdharmā vyākhyātāḥ .. 36..