Kalpah 2.6.17

Kalpaḥ 2.6.17

Language: Sanskrit

2.6.17.1

17.1
atha saptadaśapraśne prathamaḥ paṭalaḥ
sarvakratūnāṃ prakṛtiragniṣṭomaḥ .. 1..

śyaitaniyamādbṛhatpṛṣṭho gaurbhrātṛvyavataḥ . āyuḥ svargakāmasya . agniṣṭomaḥ sabhrātṛvyavataḥ . viśvajidagniṣṭomaḥ sarvastomaḥ sarvapṛṣṭhyaḥ śreṣṭhyakāmasya . sahasraṃ dakṣiṇāḥ . sarvavedasaṃ vā yāvatīrvā kratoḥ stotriyāḥ ..8..

2.6.17.9

sarvavedase jyeṣṭhaṃ putramapabhajya saṃvido viparyāceta .. 9..

2.6.17.10

dakṣiṇākāle sarvasvaṃ dadāti .. 17.1.10 ..

2.6.17.11

yadanyadbrāhmaṇānāṃ dikṣu vittādbhūmeḥ senābhyaśca .. 11 ..

2.6.17.12

uttamāṃ dakṣiṇāṃ nītvodavasāya vā dakṣiṇenaudumbarīṃ prāṅniṣadya brūyādyanme'da ṛṇaṃ yadadastatsarvaṃ dadāmīti .. 12..

2.6.17.13

udavasāya rohiṇīṃ vatsacchavīm̐ sakarṇapucchām̐ sakhurām̐ sakhurīkāmavācyatāṃ paridhatta . uṣṇīṣeṇa śiro veṣṭayata ādatta audumbaraṃ camasam .
audumbarīṃ cābhrim . khādirīṃ vaiṇavīṃ vā. kalmāṣīm̐ suṣirāmasuṣirāṃ vobhayataḥkṣṇū . tāmanyatarataḥkṣṇū . tāṃ vā mūlabhakṣo vā phalabhakṣo vā'raṇye tisra udumbare vasataḥ. khanitreṇa jīvato mūlaṃ parikhāyaudumbare pātre'vadhāyānyonyamapyādayato mṛnmayena pibato niṣāde tisro vaiśye tisro rājanye tisro brāhmaṇa ityekeṣām .. (kha01) .. 13 ..

2.6.17.15

saṃvatsaraṃ dvādaśāhaṃ vā na yācenna dīyamānaṃ pratyācakṣate .. 14 ..
indrasyābhijidagniṣṭomo'nabhijitasyābhijityai . ubhe bṛhadrathaṃtare bhavataḥ . parokṣapṛṣṭhe vā .. 15 ..

2.6.17.16

bṛhattu hotuḥ paśavaścaikādaśaikayūpe .. 16 ..

2.6.17.17

sahasradakṣiṇā varāṇāṃ vā dvādaśaśatam .. 17 ..

2.6.17.19

sarvajitā'gniṣṭomena sarvapṛṣṭhena sarvamāpnoti sarvaṃ jayati ..18 ..
annādaśca bhavati .. 19 ..

2.6.17.20

tasya mahāvrataṃ pṛṣṭhyamarkyaṃ śasyate .. 17.1.20 ..

2.6.17.21

sahasraṃ dakṣiṇā . vim̐śatirvā'ṣṭāvim̐śatīnām .. 21..

2.6.17.22

catvāraḥ sāhasrāḥ .. 22 ..

2.6.17.23

jyotiragniṣṭomo rathaṃtarasāmā . sahasrāṇāṃ prathamaḥ . prāṇeṣvannādye ca pratitiṣṭhati . gaurukthyo bṛhatsāmā dvitīyaḥ . paśuṣu pratitiṣṭhati . sarvajyotiragniṣṭoma ubhayasāmā tṛtīyaḥ. sarvasyā''ptyai sarvasyāvaruddhyai . trirātrasaṃmito'gniṣṭomo rathaṃtara bṛhatsāmobhayasāmā vā caturthaḥ. trirātrasya phalamavāpnoti .. 23 ..

2.6.17.24

catvāraḥ sādyaskrāḥ .. 24 ..

2.6.17.25

teṣāṃ viśeṣaḥ .. 25 ..

2.6.17.26

rathaṃtarasāmā bṛhatsāmobhayasāmā vā prathamaḥ. tasminkāmāḥ somāhāre prādhānye spardhāyāṃ bhrātṛvyavatastitīrṣā .. (kha0 2) .. svargaḥ paśavo vā .. 26 ..

2.6.17.27

pūrvedyurāgneyaḥ saumyo bārhaspatyaśca paśavaḥ .. 27 ..

2.6.17.28

tadalābha etāsāṃ devatānāmānupūrvyeṇā''gneyo'ṣṭākapālaścarū cetarau .. 28 ..

2.6.17.30

dhārayatyāhavanīyam .. 29 ..
vyāghārayatyuttaravedim .. 17.1.30 ..

2.6.17.31

sarpiṣmadaśanam .. 31 ..

2.6.17.32

hiraṇyaṃ mukhe'nvāsyāntarau priyāyai bhāryāyai brahmacārī śete .. 32 ..

2.6.17.33

iṣṭyā yakṣye . ṛtvijaḥ samārūḍhā bhavanti .. 33 ..

2.6.17.34

tānnidhāya śvobhūte sarvadiśo'śvarathā sakṣīradṛtayaḥ somapravākā vidhāvanti .. 34 ..

2.6.17.35

tebhyo yannavanītamudīyāttadājye'vanayet .. 35 ..

2.6.17.36

yojane caturyujā prācyāṃ diśi yugyakrośotsargeṇetarāsu prasavyam̐ sthūriṇāṃ tataḥ parikramayedaśvatarī ratho vaikapradakṣiṇaṃ yojanādīni vā krośānyaśvarathena pradakṣiṇam .. 36..

2.6.17.37

vyākhyāta utsargaḥ .. 37..

2.6.17.38

trivatsaḥ sāṇḍaḥ somakrayaṇaḥ .. 38 ..

2.6.17.39

upasatsu triḥ saṃmīlet .. 39..

2.6.17.40

saṃmīlya vā pracaret .. 17.1.40 ..

2.6.17.41

yavorvarā vediḥ ..41..

2.6.17.42

yavānīṃ khala uttaravediḥ.. 42 ..

2.6.17.43

ārohaṇe havirdhāne .. 43 ..

2.6.17.44

vimitam̐ sadaḥ..44..

2.6.17.45

sphyo yūpaḥ sphyāgraḥ khalevālīti vā .. 45 ..

2.6.17.46

agnīṣomīyakāle'gnīṣomīyamekādaśakapālaṃ nirvapati . ījānasya gṛhādvasatīvarīrgṛhṇāti ..46..

2.6.17.47

savanīyakāle saha paśūnālabhate .. 47..

2.6.17.48

agnīṣomīyam̐ savanīyamanūbandhyāṃ ca .. 48 ..

2.6.17.49

agnīṣomīyasya sthāne'gnīṣomīya ekādaśakapālo'nūbandhyāyāḥ sthāne maitrāvaruṇyā''mikṣayā yajeta || 49..

2.6.17.50

sadaśvaḥ śveto dakṣiṇā .. 17.1.50..

2.6.17.51

tamāṅgirasāya bhrātṛvyāya vā dadyāt ..51..

2.6.17.52

dveṣyaṃ vā brāhmaṇaṃ vṛtvā tasmā aśvam̐ śvetam̐ rukmapratiyuktaṃ dadyāt .. 52 ..

2.6.17.53

saṃvatsaraṃ noparyupaviśet . na mām̐samaśnīyāt . na striyaṃ nāvapadyeta . na pādāvavanenijīta nāñjīta nābhyañjīta . sā dīkṣā . yadi saṃvatsaraṃ nodāśam̐sīta . dvādaśāham .. (kha04) .. 53 ..

2.6.17.53_1

iti satyāṣāḍhahiraṇyakeśisūtre saptadaśapraśne prathamaḥ paṭalaḥ ..

2.6.17.53_2

17.2
atha saptadaśapraśne dvitīyaḥ paṭalaḥ .
dvitīyasyaikavim̐śatimagniṣṭomasāma kṛtvā''mayāvinaṃ yājayedetenānnādyakāmaṃ prajākāmaṃ paśukāmaṃ vā .. 1 ..

2.6.17.53_3

tisṛbhistisṛbhirāvartate ..2..

2.6.17.53_4

tṛtīyasya caturthasyāṣṭādaśāvuttarau pavamānau vā .. 3 ..

2.6.17.53_5

parokṣapṛṣṭhau vā caturaṣṭādaśaḥ . pañcamo hoturājyamaṣṭādaśāvuttarau pavamānau . hotuḥ pṛṣṭhaṃ parikrīścaturvim̐śabahiṣpavamānaḥ svargakāmā bhavanti..4..

2.6.17.53_6

hīnānujāvaro'nukriyā . tasya caturvim̐śāvuttarau pavamānau .. 5 ..

2.6.17.53_7

aśvasādaḥ somapravākaḥ .. 6 ..

2.6.17.53_8

eka evāśvārohaḥ . na rathārohaḥ .. 6 ..

2.6.17.53_9

dadhidrutiśca trikośe'ntataḥ prāha .. 7 ..

2.6.17.53_10

strīgauḥ somakrayaṇīḥ .. 8..

2.6.17.53_11

prakṣṇutāgro yūpaḥ..9..

2.6.17.53_12

saṃmīlanaṃ vedirhavirdhāne'gnīṣomīyo vasatīvarīrdakṣiṇā ca ..17.2.10..

2.6.17.53_13

prathamena samānaṃ cātra dveṣyasya varaṇam .. 11 ..

2.6.17.53_14

yadyatsvārājyena sadyaḥ svārājyaṃ gacchati ..12..

2.6.17.53_15

agneragniṣṭomena sarvamannādyamavarundhe .. 13..

2.6.17.53_16

prajāpaterekatriko'gniṣṭomaḥ . prajāpatimāpnoti .. 14 ..

2.6.17.53_17

bhrātṛvyepsāyāmanukriyau paśvālambho bhojanam̐ hiraṇyānvasanam̐ śayyāvanayanam . prathamena samānam̐ sadaḥ .. 15 ..

2.6.17.53_18

somapravāko dadhidra(dṛ)tiśca .. 16..

2.6.17.53_19

atrāśvipadaṃ paraṃ madhye krośa ṛtvijo virahitā bhavanti .. 17..

2.6.17.53_20

ta enaṃ prātarupasametya prajāpatirgodhūmorvarā vedirgodhūmānāṃ khala uttaravedirārohaṇe havirdhāne vimitam̐ sadaḥ . sphyo yūpaḥ syā( sphyā )graḥ khalevālī vā . vaḍavā śvetā dakṣiṇā . brahmaṇe deyā . yathā prakṛtītarebhyaḥ parikriyā caturvim̐śatistotrīyeṇa bhrātṛvyāya procya yajeta . viśvajicchilpena sarvastomena sarvānkāmānavāpnoti .. 18 ..

2.6.17.53_21

śyenenābhicaranyajeta .. 19 ..

2.6.17.53_22

rathau havirdhāne .. 17.2.20 ..

2.6.17.53_23

tailvako bādhako vā sphyāgro yūpaḥ .. 21 ..

2.6.17.53_24

śāvanabhye adhiṣavaṇaphalake bhavataḥ .. 22 ..

2.6.17.53_25

agnaye rudravate lohitaḥ paśuḥ .. 23 ..

2.6.17.53_26

sādayatyupām̐śvantaryāmau .. 24 ..

2.6.17.53_27

śaramayaṃ barhiḥ .. 25..

2.6.17.53_28

vaibhīdaka idhmaḥ .. 26 ..

2.6.17.53_29

lohitoṣṇīṣā lohitavasanā nivītā ṛtvijaḥ pracaranti .. 27 ..

2.6.17.53_30

navanavadakṣiṇāḥ karṇā baṇḍāḥ kūṭāḥ .. 28 ..

2.6.17.53_31

tāṃ dakṣiṇākāle kaṇṭakairvitudeyuḥ .. 29 ..

2.6.17.53_32

trayo vācastomāsteṣāṃ dvāvāgniṣṭomau . sarvastomo'tirātra uttamaḥ . tasminsarvā ṛcaḥ sarvāṇi sāmāni sarvāṇi yajūm̐ṣi prayujyeran .. 17.2.30 ..

2.6.17.53_33

vrātyānāṃ praghāso vrātyastomāḥ.. 31 ..

2.6.17.53_34

trivṛto'gniṣṭomo rathaṃtarasāmāna ukthyā dviṣatīḥ ṣoḍaśīḥ sarveṣām .. 32..

2.6.17.53_35

uṣṇīṣaṃ pratodo jyāhoḍo ratho vipathaḥ phalakāstīrṇo'śvo'śvataraśca yugyau kṛṣṇaṃ vāsaḥ kṛṣṇavalakṣe ajine rājato niṣkaḥ .. 33 ..

2.6.17.53_36

tadgṛhapateḥ .. 34 ..

2.6.17.53_37

balūkāntāni dāmatūṣāṇītareṣām .. 35 ..

2.6.17.53_38

dve (dve) dāmanī dve (dve) upānahau .. 36 ..

2.6.17.53_39

dviṣam̐hitānyajināni .. 37..

2.6.17.53_40

trayastrim̐śatā trayastrim̐śatā gṛhapatimupasamāyanti .. 38 ..

2.6.17.53_41

tā dakṣiṇā bhavanti .. 39 ..

2.6.17.53_42

api vā ṣaṭṣaṣṭirgāvo dakṣiṇā bhavanti .. 17.2.40 ..

2.6.17.53_43

atho khalvāhuryadevaiṣām̐ saṃpāditam̐ syāttaddadyustaddhi vrātyadhanamiti vijñāyate ..41..

2.6.17.53_44

ṣaṭṣoḍaśī ninditānām . dviṣoḍaśī kaniṣṭhānām . ardhvastomo jyeṣṭhānām . catuṣṣoḍaśī sarveṣām .. 42 ..

2.6.17.53_45

ādityānāṃ prayatirukthyo nākasadāṃ prathamaḥ .. 43 ..
vyāvṛttiṃ pāpmanā bhrātṛvyeṇa gacchanti .. 44 ..

2.6.17.53_46

agniṣṭomā itare aṅgirasāṃ dvitīyaḥ . sādhyānāṃ tṛtīyaḥ . marutāṃ caturthenaujo vīryamāpnoti . trayastrim̐śaḥ pañcama ityeke . prājāpatyaḥ pañcamaḥ . prajākāmo'bhibhavā bhrātṛvyamabhibhavati(te) . vinuttyā bhrātṛvyaṃ vinudate ..(kha0 5) ..45..

2.6.17.53_47

citistomaḥ prajananakāmaḥ .. 46..

2.6.17.53_48

gāyatreṇokthyena rathaṃtarasāmnā brāhmaṇaḥ purodhākāmo yajet . dvau gāyatrau pūrvo brāhmaṇasya..47..

2.6.17.53_49

uttaraḥ kṣatriyasya .. 48 ..

2.6.17.53_50

tejo brahmavarcasaṃ brāhmaṇasya pūrveṇa kṣatriyasyottareṇogramavyathaṃ na tu bahupaśū bhavataḥ ..49..

2.6.17.53_51

trivṛtā'gniṣṭutā'gniṣṭomenāpūto yajeta .. 17.2.50 ..

2.6.17.53_52

āgneyyaḥ purorucaḥ . āgneyī subrahmaṇyā .51..

2.6.17.53_53

āgneyīṣu stuvate'jāṃ hiraṇyaṃ ca dakṣiṇā ..52..

2.6.17.53_54

etameva catuḥṣṭomaṃ kṛtvā śrotriyo'kṣahataḥ strīhataḥ kāmahataścaraṇahato vā yajeta .. 53 ..

2.6.17.54

aśvaḥ śyāvo dakṣiṇā .. 54..

2.6.17.55

sa brahmaṇe deyaḥ .. 55 ..

2.6.17.56

yathāprakṛtītarebhyaḥ .. 56 ..

2.6.17.57

etasyaiva vāyavyāsu pañcadaśamagniṣṭomasāma kṛtvā''mayāvinaṃ yājayet . annādyakāmaṃ prajākāmaṃ paśukāmaṃ vā..57..

2.6.17.58

(etasyaiva revatīṣu vāravantīyamagniṣṭomasāma kṛtvā brahmavarcasakāmam .) etasyaiva śakvarīṣu vāravantīyamagniṣṭomasāma kṛtvā paśukāmam . etameva catuḥṣṭomaṃ kṛtvā grāmakāmaḥ. ( apravargyā bhavantītyeke . ) trivṛtā'gniṣṭutā brahmavarcasakāmaḥ . pañca daśenāgniṣṭutā vīryakāmaḥ .. 58 ..

2.6.17.59

saptadaśenāgniṣṭutā'gniṣṭomena yajñavibhraṣṭo yajeta . yasminvā yajñakratau vibhram̐śet .. 59..

2.6.17.60

trivṛdavādyaṃ vadataḥ .. 17.2.60 ..

2.6.17.61

pañcadaśo'nihatyasya nighnataḥ .. 61 ..

2.6.17.62

saptadaśo'nāśā(śyā)nnasya bhojane prāśyaikavim̐śo janaṃ yato gāndhārakaliṅgamāgadhānpāraskarānsauvīrānvā .. 62 ..

2.6.17.63

triṇavenaujaskāmaḥ .. 63 ..

2.6.17.64

pañcadaśena vīryakāmaḥ . saptadaśena prajākāmaḥ . ekavim̐śena pratiṣṭhākāmaḥ. (trayastrim̐śena svargakāmaḥ)..64..

2.6.17.65

apivā jyotiṣṭoma eva . ānaṣṭome sarvānkāmānkāmayet .. (kha06)..65..

2.6.17.65_55

iti satyāṣāḍhahiraṇyakośisūtre saptadaśapraśne dvitīyaḥ paṭalaḥ.
17.3
atha saptadaśapraśne tṛtīyaḥ paṭalaḥ.
trivṛtā'gniṣṭomenāniruktenānnādyakāmo yajeta ..1..

2.6.17.65_56

aniruktaṃ prātaḥsavanamityeke .. 2..

2.6.17.65_57

aśvaḥ śveto dakṣiṇā . sa brahmaṇe deyaḥ 3..

2.6.17.65_58

bṛhaspatisavo dvitīyaḥ ..4..

2.6.17.65_59

brāhmaṇo brahmavarcasakāmaḥ purodhākāmo vā yajeta. yaṃ vā sthāpatyāyābhiṣiñceyuḥ ..5.. parisrajī hotā bhavati .. 6..

2.6.17.65_60

aruṇo mirmirastriśukraḥ .. 7..

2.6.17.65_61

bṛhaspate juṣasva na iti bārhaspatyamatigrāhyaṃ gṛhṇāti .. 8..

2.6.17.65_62

bārhaspatyaḥ paśurupālambhyaḥ ..9..

2.6.17.65_63

prātaḥsavane sanneṣu nārāśam̐seṣvekādaśa dakṣiṇā vyādiśati .. 17.3.10..

2.6.17.65_64

ājyena mādhyaṃdine savane'gnimanvārabdhaṃ kṛṣṇājine'bhiṣiñcati . yathā'gnicityāyām̐ śukrāmanthinorvā sam̐srāveṇa .. 11 ..

2.6.17.65_65

aśvadvādaśa mādhyaṃdine savane tā ubhayīrupākaroti . dvādaśa tṛtīyasavane ..12..

2.6.17.65_66

tā vaśāyāmupākaroti .. 13..

2.6.17.65_67

apivā'ṣṭau prātaḥsavana ekādaśa mādhyaṃdine savane dvādaśa tṛtīyasavane . aśvaṃ tṛtīyaśo'nusavanaṃ dadyādityekeṣām . sarvā mādhyaṃdine savana ityeke ..14..

2.6.17.65_68

manasetarayoḥ savanayorna vā manasā ca na .. 15..

2.6.17.65_69

trivṛto'gniṣṭomasyeṣuṃ vikṛ(ṣṭu)tiṃ kṛtvā'bhicaranyajeta .. 16 ..

2.6.17.65_70

samānamitaracchayenena .. 17..

2.6.17.65_71

trivṛto'gniṣṭomaḥ .. 18 ..

2.6.17.65_72

śunaskarṇastomaḥ . sarvasvāraḥ .. 19..

2.6.17.65_73

maraṇakāmo yajeta yaḥ kāmayetānāmayatāṃ svargaṃ lokamiyāmiti vijñāyate .. 17.3.20 ..

2.6.17.65_74

yāmyaḥ paśuḥ śukaharita upālambhyaḥ .. 21..

2.6.17.65_75

kṛtānnaṃ dakṣiṇā .. 22 ..

2.6.17.65_76

ārbhave stūyamāne dakṣiṇenaudumbarīmahatena vāsasā pattodaśena prāvṛtya dakṣiṇāśirāḥ saṃviśati brāhmaṇāḥ samāpayatametaṃ yajñamiti .. ( kha0 7) .. yajña: sam̐sthāmanu saṃtiṣṭhate .. 23 ..

2.6.17.65_77

pṛthagaraṇīṣvagnīnsamārohyottaranārāyaṇenā''dityamupasthāyāraṇyamabhipraiti . yadi grāme vivasetpṛthagaraṇīṣvagnīnsamārohyottaranārāyaṇenā''dityamupasthāya gṛheṣu pratyavasyet . yadyanabhiprāpnuyāttānyajñakratūnāha . tena bhūrukthyo rathaṃtarasāmā . bhūtikāmo yajeta . dhenurdakṣiṇā .. 24 ..

Linked texts (7)

Āpastambaśrautasūtra — Āpastamba, Sanskrit
Baudhāyanaśrautasūtra — Baudhāyana, Sanskrit
Pañcaviṃśabrāhmaṇa — Sanskrit
Taittirīyasaṃhitā — Sanskrit
Jaiminīyabrāhmaṇa — Sanskrit
Āśvalāyanaśrautasūtra (ed. Rāmanārāyaṇa Vidyāratna, Calcutta) — Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit