Kalpah 2.6.19.69_181

2.6.19.69_181

tāmagreṇa dakṣiṇamam̐saṃ pratīcīmabhyāvṛtyābhimantrayate . aghoracakṣurapatighnyedhi śivā paśubhyaḥ sumanāḥ suvarcāḥ jīvasūrvīrasūḥ syonā śaṃ na edhi dvipade śaṃ catuṣpade . tāṃ naḥ pūṣañchivatamāmerayasva yasyāṃ bījaṃ manuṣyā vapanti . yā na ūrū uśatī visrayātai yasyāmuśantaḥ praharema śepam . somaḥ prathamo vivide gandharvo vivida uttaraḥ . tṛtīyo'gniṣṭe patisturīyo'haṃ manuṣyajāḥ. somo'dadādgandharvāya gandharvo'gnaye'dadāt . paśūm̐śca mahyaṃ putrām̐ścāgnirdadātyatho tvām . amūhamasmi sā tvaṃ dyaurahaṃ pṛthivī tvam . sāmāhamṛktvaṃ tāvehi saṃbhavāva saha reto dadhāvahai . pum̐se putrāya vettavai rāyaspoṣāya suprajāstvāya suvīryāyemāṃ tvamindra mīḍhvaḥ suputrām̐ subhagāṃ kuru . daśāsyāṃ putrānādhehi patimekādaśaṃ kurviti .. 9 ..