Kalpah 2.6.19.69_46
Kalpaḥ 2.6.19.69_46
- Language
- Sanskrit
2.6.19.69_46
purastātpariṣecanādyathā ha tadvasavo gauryamiti pradakṣiṇamagniṃ parimṛjya pariṣiñcati yathā purastādvyāhṛtibhiḥ samidho'bhyādadhātyekaikaśaḥ samastābhiścaiṣā te agne samittayā vardhasva cā''ca pyāyasva . vardhiṣīmahi ca vayamā ca pyāsiṣīmahi svāhā . medhāṃ ma indro dadātu medhāṃ devī sarasvatī . medhāṃ me aśvināvubhāvādhattāṃ puṣkarasrajau svāhā . apsarāsu ca yā medhā gandharveṣu ca yanmanaḥ . daivī medhā manuṣyajā sā māṃ medhā surabhirjuṣatām̐ svāhā . ā māṃ medhā surabhirviśvarūpā hiraṇyavarṇā jagatījagamyā . ūrjasvatī payasā pinvamānā sā māṃ medhā supratīkā juṣantām̐ svāheti tathaiva parimṛjya pariṣiñcati yathā purastāt .. 47..
Linked texts (3)
- Āgniveśyagṛhyasūtra — Agniveśa, Sanskrit
- Hiraṇyakeśigṛhyasūtra — Hiraṇyakeśin, Sanskrit
- Saṃskāraratnamālā (Gopīnātha Dīkṣita Oka) — Gopīnātha Dīkṣita Oka, Sanskrit