Kalpah 2.6.2.87

2.6.2.87

brahmanbrahmā'si brahmaṇe tvāhutādya mā mā him̐sīrahuto mahyam̐ śivo bhavetyantarvedyanvāhāryamāsannamabhimṛśati prajāpaterbhāgo'sīti ca .
brahmanprasthāsyāma ityucyamāne deva savitaretatte prāha tatpra ca suva pra ca yaja bṛhaspatirbrahmā sa yajñaṃ pāhi sa yajñapatiṃ pāhi sa māṃ pāhyoṃ pratiṣṭhetyanūyājasamidhi .
bhūmirbhūmimagānmātāmātaramapyagāt . ṛdhyāsma putraiḥ paśubhiryo no dveṣṭi sa bhidyatāmiti yatkiṃca yajñe mṛnmayaṃ bhidyeta tadabhimantrayeta .
sārvatrikameke samāmananti .
brahmabhāgaṃ prāśya .
ayāḍagnirjātavedā adabdho'ntaraḥ pūrvo asminniṣadya . sunvansanim̐ sa vimucāno vimuñca dhehyasmāsu draviṇaṃ jātavedo yacca bhadraṃ pra ṇo yacchābhivasyo asmānsannaḥ sṛja sumatyā vājavatyeti samidhamādhāya hutvopasthāya vā .
yathetaṃ pratiniṣkrāmati .
evaṃ vihitamiṣṭipaśubandhānāṃ brahmatvaṃ brahmatvam .. 22 ..
iti hiraṇyakeśisūtre dvitīyapraśne'ṣṭamaḥ paṭalaḥ .. 87