Kalpah 2.6.2.p10

2.6.2.p10

vaṣaṭkāre vaṣaṭkṛte vā juhoti yājyā puronuvākyāvatīṣu caturavattaṃ pañcāvattaṃ vā .
pañcāvattaṃ jamadagnīnāṃ caturavattamitareṣāṃ gotrāṇām .
apyajāmadagnyo jāmadagnyamāmantrya pañcāvattaṃ kurvīta .
aṅguṣṭhaparvamātrāṇi daivatānyavadānāni bhavanti .
uttarāṇyuttarāṇi sthavīyām̐si .
daivatebhyaḥ sauviṣṭakṛtāni sauviṣṭakṛtebhya aiḍāni tathā cāturdhākaraṇikāni .
mām̐sasam̐hitābhyāmaṅgulībhyāmaṅguṣṭhena ca puroḍāśasyāvadyati sruveṇā''jyasāṃnāyyayormekṣaṇena carūṇām .
madhyātpuroḍāśasyāvadāya pūrvārdhādavadyati paścārdhāttṛtīyaṃ pañcāvattinaḥ .