Kalpah 2.6.2.p35

2.6.2.p35

2.6 atha dvitīyapraśne ṣaṣṭhaḥ paṭalaḥ .
iṣṭebhyaḥ svāhā vaṣaḍaniṣṭebhyaḥ svāhā bheṣajaṃ duriṣṭyai svāhā niṣkṛtyai svāhā nirṛtyai svāhā daurārdhyai svāhā daivī- bhyastanūbhyaḥ svāhardhyai svāhā samṛddhyai svāhā .
ayāścāgne'syanabhiśastīśca satyamittvamayā asi . ayasā manasā dhṛto'yasā havyamūhiṣe'yā no dhehi bheṣajam̐ svāhemaṃ me varuṇa tattvā yāpi tvaṃ no agne sa tvaṃ no agne tvamagne ayā'si prajāpate bhūrbhuvaḥ muvariti vyāhṛtibhirjuhotyekaikaśaḥ samastābhiśca .
āśrāvitamatyāśrāvitaṃ vaṣaṭkṛtamatyanūktaṃ ca yajñe . atiriktaṃ karmaṇo yacca hīnaṃ yajñaḥ parvāṇi pratiranneti kalpayansvāhākṛtāhutiretu devān .
anājñātaṃ yadājñātaṃ yajñasya kriyate mithu . agne tadasya kalpaya tvam̐ hi vettha yathātatham̐ svāhākṛtāhutiretu devān .
atiriktaṃ nyūne juhomi nyūnamatirikte juhomi . samam̐ same juhomi svāhākṛtāhutiretu devān.
yadakarma yannākarma yadatyagāma yannātyagāma yadatyarī- ricāma yannātyarīricāma . tattvaṃ viṣṇo yajñe yajñaṃ pratiṣṭhāpaya svāhākṛtāhutiretu devān .
yatpramattāntaragāma kiṃcidasminyajñe mantrataḥ karmato bā . anayā''hutyā tacchamayāmi sarvaṃ tṛpyantu devā haviṣo ghṛtasya svāhākṛtāhutiretu devān .