Kalpah 2.6.2.p39

2.6.2.p39

poṣāya va ityagreṇā''havanīyaṃ praṇītāḥ paryāhṛtya yo va'yaukṣītsa vo vimuñcatvityantarvedi vimuñcati .
yaṃ devā manuṣyeṣūpaveṣamadhārayan . ye asmadapacetasastānasma bhyamihā kuru . upaveṣopa viḍḍhi naḥ prajāṃ puṣṭimatho dhanam . dvipado naścatuṣpado dhruvānanapagānkurvityupaveṣamādāya .
yopaveṣe śuksā'mumṛcchatu yaṃ dviṣma ityutkare nikhanennirasyedvā .
niramuṃ nuda okasaḥ sapatno yaḥ pṛtanyati . nirbādhyena haviṣendra eṇaṃ parāśarīt . ihi tisraḥ parāvata ihi pañcajanām̐ ati . ihi tisro'tirocanā yāvatsūryo asaddivi . paramāṃ tvā parāvatamindro nayatu vṛtrahā . yato na punarāyasi śaśvatībhyaḥ samābhyaḥ . hato'sā- vavadhiṣmāmumiti yaṃ dveṣṭi tasya vadhaṃ manasā dhyāyatyava- sṛṣṭaḥ parāpata śaro brahmasam̐śita iti vā'pa upaspṛśya .
kastvā yunakti sa tvā vimuñcatviti yajñaṃ vimuñcati .
sarvamanuvīkṣate .
yāni gharme kapālānīti kapālāni .
sam̐sthitāyāṃ paurṇamāsyām .. 15 ..