Kalpah 2.6.2.p42

2.6.2.p42

pracaryā''gneyena puroḍāśenā''gnīdhre srucau nidhāya saha kumbhībhiratikrāmanmāhendrāyānubrūyāśrāvayendraṃ yajeti yāvatyaḥ kumbhyaḥ syustāvanto brāhmaṇā dakṣiṇata upavītina upottiṣṭheyurdārupātrāṇyādāya teṣu kumbhīrānīya sarve yugapajjuhvatyadhvaryorāhutimanujuhvati .
dākṣāyaṇayajñena suvargakāmo yajeta .
dve paurṇamāsyau bhavato dve amāvāsye .
āgneyo'ṣṭākapālo'gnīṣomīya ekādaśakapālaḥ pūrvasyāṃ paurṇamāsyāmāgneyo'ṣṭākapāla aindraṃ dadhyuttarasyāmāgneyo'- ṣṭākapāla aindrāgna ekādaśakapālaḥ pūrvasyāyamamāvāsyā- yāmāgneyo'ṣṭākapālo maitrāvaruṇyāmikṣottarasyām .
tasyaitadvrataṃ nānṛtaṃ vadenna mām̐samaśnīyānna striyamupeyānnāsya palpūlanena vāsaḥ palpū- layeyurnāñjīta nābhyañjītartau jāyāmupeyāt .
so'yaṃ darśapūrṇamāsayorādito vikalpo'nena darśapūrṇamāsābhyāṃ vā yajeta .
.tena pañcadaśa varṣāṇīṣṭvotsṛjati darśapūrṇamāsau .. 16 .. iti hiraṇyakeśisūtrasya dvitīyapraśne ṣaṣṭhaḥ paṭalaḥ .. 6 ..