Kalpah 2.6.23

Kalpaḥ 2.6.23

Language: Sanskrit

2.6.23.1

23.1
atha trayoviṃśapraśne prathamaḥ paṭalaḥ .
athātaḥ kaukilīṃ vyākhyāsyāmaḥ .. 1 ..

2.6.23.3

nirvapaṇakāla aindraṃ paśumālabheta .. 3 ..

purastādeva kālāyasena kālānuśātanena kālena tasareṇa pakṣmaṇā vrīhiyavaśyāmākānkrītvā kṣaume vāsasyupanaddhānvrīhīm̐stokmāni kurvanti . yavānīṣadupataptān .. 6.. cūrṇāni tāni dadhnodaśvitā vā sam̐sṛjya darbhaiḥ paritam̐(vā)sya nidadhāti ..7.. sa māsaraḥ. teṣāmeva sthūlacūrṇāni sam̐srāveṇābhiṣiktāni sa nanahuḥ . śyāmākānsaktūnkṛtvā surāyāḥ saṃdhānakāle tokmairmāsareṇa nagnahunā ca surāṃ sam̐sṛjya saktūnāṃ tṛtīyena parikīrya parīto ṣiñcatā sutamityekasyā gordugdhena pariṣiñcati ..8.. apareṇa tṛtīyena parikīryaitayaiva dvayordugdhena pariṣiñcatyaperaṇa tṛtīyena parikīryaitayaiva tisṛṇāṃ dugdhena pariṣiñcati ( tisro rātrīḥ sam̐sṛṣṭāvasati)..9.. avaṭasthāne kārottarameke samāmananti .. 23.1.10 ..

2.6.23.11

baidalaścarmaṇā naddho bhavati .. 11 ..

2.6.23.12

tasminbaidalam̐ śuṇḍāmukhamavadadhāti .. 12 ..

2.6.23.13

tasya bilaṃ carmaṇā pariṇaddhaṃ bhavati .. 13 ..

2.6.23.14

tasminyadāsravati sā parisrudbhavati .. 14 ..

2.6.23.16

pātrasam̐sādanakāle'śvibhyāṃm̐ sarasvatyā indrāya sutrāmṇe trīṇi pātrāṇi prayunakti .. 15 ..
trayānsaktūnyavagodhūmānāmupavākāsaktūm̐śca śyenapatre vāle droṇe vā .. 16 ..

2.6.23.17

ajāvilomnāmadhvaryoḥ pavitraṃ bhavati .. 17 ..

2.6.23.18

goaśvānāṃ pratiprasthātuḥ .. 18 ..

2.6.23.19

ājyaṃ nirupyādhvaryurdroṇe prabhūtaṃ payo nirvapati .. 19 ..

2.6.23.20

mantravadityāśmarathyaḥ . tūṣṇīmityālekhanaḥ .. 23.1.20 ..

2.6.23.21

ājyamutpūya vālena paya utpunāti .. 21 ..

2.6.23.22

prāṅsomo atidruta iti somavāminaḥ . pratyaṅsomo atidruta iti somātipavitasya .. 22 ..

2.6.23.23

brahma kṣattraṃ pavata iti surāṃ pratiprasthātā .. 23 ..

2.6.23.24

pāśukānyājyāni gṛhītvā'dhvaryuḥ payograhān gṛhṇāti .. 24 ..

2.6.23.25

kuvidaṅgeti sarveṣāmekā purorugekā puronuvākyaikaḥ praiṣa ekā yājyopayāmagṛhīto'syaśvibhyāṃ tvā juṣṭaṃ gṛhṇāmīti gṛhītvā yavasaktubhiḥ śrītvā pavitreṇa parimṛjyeṣa te yonistejase tveti sādayitvopayāmagṛhīto'si sarasvatyai tvā juṣṭaṃ gṛhṇāmīti gṛhītvā godhūmasaktubhiḥ śrītvā pavitreṇa parimṛjyaiṣa te yonirvīryāya tveti sādayitvopayāmagṛhīto'sīndrāya tvā sutrāmṇe juṣṭaṃ gṛhṇāmīti gṛhītvopavākāsaktubhiḥ śrītvā pavitreṇa parimṛjyaiṣa te yonirbalāya tveti sādayitvottarairyathāliṅgamupatiṣṭhate .. 25 ..

2.6.23.27

surāyāṃ vāla ānīyamānāyāṃ dhārāyāḥ pratiprasthātā surāgrahān gṛhṇāti nānā hi vāṃ devahitam̐ sadaḥ kṛtamiti sarveṣāmekā purorugekā puronuvākyaikaḥ praiṣa ekā yājyā . upayāmagṛhīto'syāśvinaṃ tejo'śvibhyāṃ tvā juṣṭaṃ gṛhṇāmīti gṛhītvā pavitreṇa parimṛjyaiṣa te yonirmodāya tveti sādayati . upayāmagṛhīto'si sārasvataṃ vīryaṃ sarasvatyai tvā juṣṭaṃ gṛhṇāmīti gṛhītvā pavitreṇa parimṛjyaiṣa te yonirānandāya tveti sādayati . upayāmagṛhīto'syaindraṃ balamindrāya tvā sutrāmṇe juṣṭaṃ gṛhṇāmīti gṛhītvā pavitreṇa parimṛjyaiṣa te yonirmahase tveti sādayati . surāvacchrayaṇāni .. 26 ..
sannānanuvākaśeṣeṇādhvaryuryajamānaścopatiṣṭhate . uttareṇa cānuvākena .. 2 .. 27 ..

2.6.23.28

pūrvavatpaśūnupākaroti .. 28 ..

2.6.23.29

bārhaspatyavarjaṃ samānamā paryagnikaraṇāt .. 29 ..

2.6.23.30

madhyame paryagnikaraṇaparyāya ulmukaikadeśaṃ khare nyupyopasamādadhāti .. 23.1.30 ..

2.6.23.31

śeṣeṇa paryagniṃ kṛtvaitadeva paśuśrapaṇārthaṃ praṇayati .. 31 ..

2.6.23.32

hutāsu vapāsu catvārim̐śadgā dakṣiṇā dadāti . anuśiśuṃ ca vaḍavām .. 32 ..

2.6.23.33

atra vā grahāngṛhṇīyuḥ .. 33 ..

2.6.23.34

uktaḥ saṃpraiṣaḥ .. 34 ..

2.6.23.35

sarva āhavanīye huyerannityāśmarathyaḥ. dakṣiṇe'gnau surāgrahā ityālekhanaḥ .. 35 ..

2.6.23.36

surāvantamiti payograhāñjuhoti . yaste rasaḥ saṃbhṛta iti surāgrahān .. 36 ..

2.6.23.37

tūṣṇīmanuvaṣaṭkṛte hutvā yamaśvinā namucerityāśvinamadhvaryurbhakṣayati .. 37..

2.6.23.38

yadatra riptamiti sārasvataṃ pratiprasthātā''gnīdhraśca .. 38 ..

2.6.23.39

idam̐ havirityaindraṃ brahmā yajamānaśca .. 39 ..

2.6.23.40

vyākhyātā surāyāḥ pratipattiḥ .. 23.1.40 ..

2.6.23.41

dakṣiṇenā''havanīyaṃ payaḥśeṣaṃ pitṛpitāmahapitāmahebhyo dadāti pitṛbhyaḥ svadhāvibhyaḥ svadhā nama iti .. 41 ..

2.6.23.42

punantu mā pitaraḥ somyāsa ityupatiṣṭhate .. 42 ..

2.6.23.43

athā''hutīrjuhutaḥ . ye samānā ityadhvaryuḥ . ye sajātā iti pratiprasthātā .. 43 ..

2.6.23.44

manotākāle pṛthakpātreṣu paśūnāṃ yūṣāṇi nidadhāti .. 44 ..

2.6.23.45

purastātsviṣṭakṛtaḥ śṛṅgaśaphairupahomāñjuhoti .. 45..

2.6.23.46

aṣṭāvaṣṭāvekaikasya kuṣṭhikaśaphāḥ .. 46..

2.6.23.47

āśvinasya yūṣeṇa kuṣṭhikāṃ śaphaṃ ca pūrayitvā sīsena tantramityaṣṭarcena pratimantraṃ dvābhyāṃ dvābhyāṃ kuṣṭhikāśaphābhyāṃ juhuyāt . uttamāyām̐ śṛṅge anuṣajati . hutvā hutvā sveṣvabhiṣecanapātreṣu saṃpātānavanīyā''havanīye kuṣṭhikaśaphānpravidhyati . evamuttareṇāṣṭarcena sārasvatasya . sarveṇānuvākenaindrasya .. 47..

2.6.23.48

audumbaryāsandyaratnimātraśīrṣaṇyā'nūcyā nābhidaghnapādā mauñjavivānā mitro'si varuṇo'sīti tāṃ yajamānāyatane pratiṣṭhāpayati .. 48..

2.6.23.49

āsādanopaveśanābhimantraṇāni rājasūyavat .. 49 ..

2.6.23.50

tasyāṃ prāṅmukhamāsīnaṃ pratyaṅmukhastiṣṭhannāśvinasaṃpātairabhiṣiñcati . devasya tvā savituḥ prasave'śvinorbāhubhyāṃ pūṣṇo hastābhyāmaśvinorbhaiṣajyena
tejase brahmavarcasenābhiṣiñcāmīti .. 23.1.50 ..

2.6.23.51

evamuttareṇa mantreṇa sārasvatasya . uttamenaindrasya .. 51 ..

2.6.23.52

ko'si katamo'sīti pāṇī saṃmṛśyādhvaryurvyāhṛtīrjapitvā'tra rājasūyavanmaṅgalyanāmna āhūya śiro me śrīriti yathāliṅgamaṅgāni saṃmṛśya jaṅghābhyāṃ padbhyāmiti pratyavaruhya pratikṣattre pratitiṣṭhāmi rāṣṭra iti japitvā trayā devā ityāhutīrhutvā lomāni prayatirmameti yathāliṅgamaṅgāni saṃmṛśate .. 52 ..

2.6.23.53

sviṣṭakṛtpratbhṛti samānamā'vabhṛthāt .. 53 ..

2.6.23.54

yaddevā deva heḍanamityavabhṛthe pañcā''hutīrjuhotītyāśmarathyaḥ. āhavanīye hūyerannityālekhanaḥ .. 54 ..

2.6.23.56

avabhṛya nicaṅkuṇetyavabhṛthaṃ yajamāno'bhimantrya sumitrā na āpo drupadādivenmumucāna ityāplutyodvayaṃ tamasasparītyādityamupasthāya pratiyuto varuṇasya pāśa ityudakāntaṃ pratyasyati .. 55 ..
paśuvatsamidha upasthānaṃ ca .. 56 ..

2.6.23.57

samāvavartītyupasthāya bhūḥ svāhetyāhutiṃ hutvā pūrvavatpitṛyajñaḥ .. 57..

2.6.23.58

indrāya vayodhase paśumālabheta . ṛṣabho dakṣiṇā .. 58 ..

2.6.23.59

ādityaṃ carum . dhenuḥ . vijñāyate ca vatsaṃ pūrvasyāṃ dadāti . mātaramuttarasyām .. 59 ..

2.6.23.60

saṃtiṣṭhate kaukilī .. 23.1.60..

2.6.23.61

tayā svargakāmo yajeta .. 4 .. 61 ..

2.6.23.61_1

iti satyāṣāḍhahiraṇyakeśisūtre trayoviṃśapraśne prathamaḥ paṭalaḥ ..

2.6.23.61_2

23.2
atha trayoviṃśapraśne dvitīyaḥ paṭalaḥ .
sāvitram̐ svargakāmaścinvīta .. 1 ..

2.6.23.61_3

paśubandhe cīyate .. 2..

2.6.23.61_4

ceṣyamāṇa upakalpayate pañcāśītiśatam̐ hiraṇyeṣṭakā yāvaduttamamaṅguliparu tāvatīḥ śarkarā vā'bhyaktāścatasraḥ svayamātṛṇṇā aparimitā lokaṃpṛṇāḥ ..3..

2.6.23.61_5

ṣaḍḍhotāramityetadādi pāśukaṃ karma pratipadyate .. 4 ..

2.6.23.61_6

veditṛtīye yajeta iti vijñāyate ..5..

2.6.23.61_7

prāguttarasmātparigrahātkṛtvottaravedideśasya madhye śaṅkuṃ nihatya sarvataḥ parimaṇḍalaṃ rathacakramātraṃ sāvitraṃ parilikhya samūlaṃ haritaṃ darbhastambamāhṛtya madhye'gnernikhāya juhvāṃ pañcagṛhītaṃ gṛhītvā sajūrabdo'yāvabhiriti darbhastambe pañcā''hutīrhutvoddhatyāvokṣya vyāghāraṇāntāmuttaravediṃ kṛtvā lekhāyā abhyantaraṃ nava parimaṇḍalā lekhā likhitvā sikatābhiravakīrya darbhaiḥ pracchādya dadhnā madhumiśreṇa śarkarābhiriti bāhyāṃ lekhāṃ saṃpūrya vasati .. 6 ..

2.6.23.61_8

hute'gnihotre prajāpatistvā sādayatu tayā devatayā'ṅgirasvaddhuvā sīdetyuttaravedimabhimṛśya mayi gṛhṇāmi yo no agniriti dvābhyāmātmannagniṃ gṛhītvā yāste agne samidha iti svayaṃcityā'bhimṛśyāgnerbhasmāsīti sikatā nivapati . saṃjñānamityūṣān .. 7 ..

2.6.23.61_9

tānnivapanyadadaścandramasi kṛṣṇaṃ tadihāstviti manasā dhyāyati .. 8..

2.6.23.61_10

saṃ yāvaḥ priyāstanuva ityūṣānsikatāśca sam̐sṛjya citaḥ stha paricita ityaparimitābhiḥ śarkarābhiḥ pariśrityā''pyāyasva sametu ta iti sikatā
vyūhati .. 9..

2.6.23.61_11

saṃ yāva ityūṣān sikatāśca saṃsṛjya vitaḥ stheti sīdatetyantenāsaṃkhyātābhiḥ śarkarāmiruttaravediḥ (di) pariśrayati . bahuvacana,nte yugapa-mantrānte āpyāyasveti sikatā vyūhati ..9..

2.6.23.61_12

na lekhāḥ saṃlobhayanti .. 23.2.10 ..

2.6.23.61_13

abhyantaraṃ jaghanārdha udapātramupadadhāti vāktvā samudra upadadhāmi suprajāvanim̐ rāyaspoṣavaniṃ mahyaṃ vājināyeti .. 11 ..

2.6.23.61_14

navamyāṃ bāhyāyāṃ lekhāyāṃ pañcadaśa pūrvapakṣasyāhānyupadadhāti .. 5 .. saṃjñānaṃ vijñānamiti .. 12 ..

2.6.23.61_15

teṣāmantarāleṣveteṣāmahnāṃ pañcadaśa muhūrtānupadadhāti citraḥ keturite .. 13 ..

2.6.23.61_16

athāntarasyāṃ pañcadaśa pūrvapakṣasya rātrīrupadadhāti darśā dṛṣṭeti .. 14 ..

2.6.23.61_17

tāsāmantarāleṣvetāsāṃ rātrīṇāṃ paścadaśa muhūrtānupadadhāti dātā pradāteti .. 15.. athāntarasyāṃ pañcadaśāparapakṣasyāhānyupadadhāti prastutaṃ viṣṭutamiti .. 16 .. teṣāmantarāleṣveteṣāmahnāṃ pañcadaśa muhūrtānupadadhāti savitā prasaviteti ..17..

2.6.23.61_18

athāntarasyāṃ pañcadaśāparapakṣasya rātrīrupadadhāti sutā sunvatīti .. 18 ..

2.6.23.61_19

tāsāmantarāleṣvetāsāṃ rātrīṇāṃ pañcadaśa muhūrtānupadadhātyabhiśāstā'numanteti .. 19 .. athāntarasyāṃ dvādaśa pūrvapakṣānupadadhāti pavitraṃ pavayiṣyanniti .. 23.2.20 ..

2.6.23.61_20

athāntarasyāṃ dvādaśāparapakṣānupadadhāti sahasvānsahīyāniti .. 21..

2.6.23.61_21

athāntarasyāṃ trayodaśa māsanāmānyupadadhātyaruṇo'ruṇarajā iti .. 22..

2.6.23.61_22

atha sikatā upadadhātyejatkā jovatkā iti .. 23 ..

2.6.23.61_23

athāntarasyāṃ pañcadaśa muhūrtānupadadhāti idānīṃ tadānīmiti .. 24 ..

2.6.23.61_24

athāntarasyāṃ ṣaḍyajñakratūm̐strīṇi caturnāmānyupadadhātyagniṣṭoma ukthyo'gnirṛturiti .. 25 ..

2.6.23.61_25

aba nābhyāṃ catvāri saṃvatsaranāmānyupadadhāti prajāpatiḥ saṃvatsaro mahānka iti .. 26 ..

2.6.23.61_26

catasraḥ svayamātṛṇṇā dikṣūpadadhāti bhūragniṃ ca pṛthivīṃ ca māṃ ceti .. 27 ..

2.6.23.61_27

lokaṃ pṛṇeti lokaṃpṛṇā upadadhāti .. 28 ..

2.6.23.61_28

cātvālātpurīṣamāhṛtya pṛṣṭo divīti vaiśvānayarcā citāvanuvyūhati .. 29..

2.6.23.61_29

sā citirbhavati .. 23.2.30 ..

2.6.23.61_30

ārohaṇaṃ japati. avarohaṇaṃ japati .. 31 ..

2.6.23.61_31

upasthānenopatiṣṭhate tvameva tvāṃ vettha yo'si . so'sīti .. 32 ..

2.6.23.61_32

sāhasravatkaroti .. 33 ..

2.6.23.61_33

dhenūḥ kṛtvā yajamānaḥ saṃhāravihārābhyāmupatiṣṭhate saṃvatsaro'si parivatsaro'sīti .. 34..

2.6.23.61_34

uttarata uttamāyāmiṣṭakāyāmarkaparṇenājakṣīraṃ juhoti .. 35..

2.6.23.61_35

tvamagne rudra iti śatarudrīyasya rūpamasaṃcare paśūnāmarkaparṇa udasyati valmīkavapāyāṃ vā'vadadhāti .. 36..

2.6.23.61_36

jaghanenāgniṃ prāṅmukha upaviśya saṃcitokthyena . hotā'nuśaṃsati bhūrbhuvaḥ svarityanuvākena .. 37..

2.6.23.61_37

agnipraṇayanādi pāśukaṃ karma patipadyate samānamā'timuktībhyaḥ .. 38 ..

2.6.23.61_38

atimuktīrhutvā caturgṛhītaṃ juhoti tvamagne rudra iti śatarudrīyasya rūpam .. 39 ..

2.6.23.61_39

aparaṃ caturgṛhītamagnāviṣṇū iti vasordhārāyāḥ . aparaṃ caturgṛhītamannapata ityannahomaḥ . aparaṃ caturgṛhītaṃ sapta te agne samidhaḥ saptajihvā iti viśvaprīḥ . aparaṃ caturgṛhītam .. 6 .. vasūnāṃ tvā'dhītena rudrāṇāmūrmyādityānāṃ tejasā viśveṣāṃ devānāṃ kratunā marutāmemnā juhomi svāheti ..23.2.40..

2.6.23.61_40

tāsāṃ sam̐srāveṇa yajamāno mukhaṃ vimṛṣṭe rājñī virājñītyanuvākena || 41 ..

2.6.23.61_41

athaikavim̐śatimāhutīrjuhotyasave svāhā vasave svāhetyanuvākena pratimantram .. 42 ..

2.6.23.61_42

barhiṣaḥ saṃbharaṇādi pāśukī karma pratipadyate . samānamā vapāyā homāt .. 43 ..

2.6.23.61_43

hutāyāṃ vapāyāmanviṣṭakaṃ paṣṭhauhīrdakṣiṇā dadāti ..44..

2.6.23.61_44

yadyetāvatīrdakṣiṇā notsaheta manvānetāvataḥ pāyayedbrāhmaṇān . odanānvā''śayet .. 45 ..

2.6.23.61_45

tena haivāsya sa kāma upāpto bhavati .. 46 ..

2.6.23.61_46

yatprāṅmanotāyāstatkṛtvaudumbarapātreṇa yūṣṇau mṛtyave grahaṃ gṛhṇāti vipaścate pavamānāyeti grahaṇasādanau . nāciketa eva mṛtyugraha ityeke..47..

2.6.23.61_47

tasya sviṣṭakṛtamanuhomaḥ .. 48 ..

2.6.23.61_48

hoṣyannapa upaspṛśedvidyudasi vidya me pāpmānamiti . atha juhotyapamṛtyumapakṣudhamiti .. 49 ..

2.6.23.61_49

atha hutvopaspṛśedvṛṣṭirasi vṛśca me pāpmānamiti . tasyeḍāyanubhakṣaḥ . bhakṣayati bhakṣo'syamṛtabhakṣa iti . bhakṣayitvā prāṇanivahānātmanpratiṣṭhāpayate mandrābhibhūtirityanuvākaśeṣeṇa . samānamata ūrdhvaṃ pāśukaṃ karma . saṃtiṣṭhate sāvitraḥ ..7..23.2.50..

2.6.23.61_50

iti satyāṣāḍhahiraṇyakeśisūtre trayoviṃśapraśne dvitīyaḥ paṭalaḥ .
23.3
atha trayoviṃśapraśne tṛtīyaḥ paṭalaḥ .
etena nāciketo vyākhyātaḥ . nātra lekhā bhavanti . ekavim̐śatirhiraṇyeṣṭakāḥ śarkarā vā'bhyaktā upadhānakāle nābhyāmevopadhīyante caturasraṃ parimaṇḍalaṃ vā loko'si
svargo'sītyanuvākena pratimantram .. 1 ..

2.6.23.61_51

tam̐ hyeke paśubandha evottaravedyāṃ cinvata iti brāhmaṇavyākhyātāḥ kāmyā vikārāḥ ..2..

2.6.23.61_52

tānanukramiṣyāmaḥ .. 3..

2.6.23.61_53

paśubandhe some satre sahasre sarvavedase vā yatra vā bhūyiṣṭhā āhutayo hūyeram̐statra cetavyaḥ .. 4 ..

2.6.23.61_54

satre pratiṣṭhāṃ prajāṃ paśūnsvargamṛddhimīpsanyathāvakāśaṃ yathāsamāmnātam .. 5..

2.6.23.61_55

sarvatra purastādupakramaḥ pradakṣiṇamuttarato'pavargaḥ .. 6 ..

2.6.23.61_56

paśukāmaḥ pāṅktameva cinvīta . pañca pañca pratidiśamekāṃ madhye .. 7..

2.6.23.61_57

jyaiṣṭhyamīpsanyaśaḥ prajāṃ vā trivṛtameva . sapta purastāttisro dakṣiṇataḥ sapta paścāttisra uttarata ekāṃ madhye ..8..

2.6.23.61_58

jyaiṣṭhyakāmo madhyātprakramyordhvāṃ rītiṃ pratipādayet .. 9 ..

2.6.23.61_59

svargakāmaḥ paścātprakramya prācīṃ rītiṃ pratipādayet .. 23.3.10..

2.6.23.61_60

sa yadīcchettejasvī yaśasvī brahmavarcasī syāmiti prāgdakṣiṇebhyaḥ prāṅā hotudhiṣṇiyādutsarpedyeyaṃ prāgādyaśasvatī sā mā prorṇotu tejasā yaśasā brahmavarcaseneti .. 11 ..

2.6.23.61_61

atha yadīcchedbhūyiṣṭhaṃ me śraddadhīranbhūyiṣṭhā dakṣiṇā nayeyuriti dakṣiṇāsu nīyamānāsu prācyehi prācyehīti .. 12 ..

2.6.23.61_62

prācī juṣāṇā vetvājyasya svāheti sruveṇopahatyā''havanīye juhuyāt .. 13 ..

2.6.23.61_63

svayamātṛṇṇādi samānamuttaram .. 14..

2.6.23.61_64

saṃtiṣṭhate nāciketaḥ .. 15 ..

2.6.23.61_65

etena cāturhotro vyākhyātaḥ ..16..

2.6.23.61_66

yāvatpadaṃ hiraṇyeṣṭakā: śarkarā vā'bhyaktāḥ .. 17 ..

2.6.23.61_67

upādhānakāle'greṇa darbhastambaṃ daśahotāraṃ prati'mantramudañcamupadadhāti . hṛdayaṃ grahaṃ catvāri padāni saṃbhārāṇāṃ dve patnīnām .. 18 ..

2.6.23.61_68

evaṃ dakṣiṇataḥ prāñcaṃ caturhotāram . paścādudañcaṃ pañcahotāram . uttarataḥ prāñcam̐ ṣaḍḍhotāram . upariṣṭātprāñcam̐ saptahotāram . pañcātra padāni saṃbhārāṇāmavaśiṣṭāni ca patnīnām ..19..

2.6.23.61_69

svayamātṛṇṇādi samānamuttaram ..23.3.20..

2.6.23.61_70

saṃtiṣṭhate cāturhotraḥ .. 8 .. 21 ..

2.6.23.61_71

etena vaiśvasṛjo vyākhyātaḥ .. 22 ..

2.6.23.61_72

yāvanmantram̐ hiraṇyeṣṭakā yāvaduttamamaṅguliparu tāvatīḥ śarkarā vā'bhyaktāścatasraḥ svayamātṛṇṇāḥ .. 23 ..

2.6.23.61_73

upadhānakāle'greṇottaranābhiṃ yaccāmṛtaṃ yacca martyamityetaistribhiranuvākaistriḥ pradakṣiṇamuttaravediṃ paricinoti .. 24 ..

2.6.23.61_74

tisro vā citayastribhiranuvākaiḥ .. 25 ..

2.6.23.61_75

ṛcāṃ prācī mahatīti saṃcitokthyena hotāsnuśam̐sati ..26..

2.6.23.61_76

svayamātṛṇṇādi samānamuttaram . śatarātre sārasvateṣu rātrisatreṣu śatarātrānteṣu mahāvrateṣu triṣu ca sārasvateṣu satreṣu kāṭhakacāturmāsyeṣu sādhyānāṃ ṣaḍahavarjiteṣu viśvasṛjāmayane prajāpateranyatrānuśam̐sanāt .. 27 ..

2.6.23.61_77

sahasrasaṃvatsarayośca vaiśvasṛjo'gnirniyataḥ .. 28 ..

2.6.23.61_78

abhiprayāyaṃ ce(prāyāntaśce)dabhicinuyuruttaravedideśametairmantrairabhimṛśet [ yo'sya supriyaḥ suvicita iva syāttasmai vaiśvasṛjam . tṛtīye vā paryāye ].. 29 ..

2.6.23.61_79

sāvitranāciketacāturhotravaiśvasṛjāruṇaketukānsamasya saumye'pyadhvare cinvate .. 23.3.30..

2.6.23.61_80

sāvitraḥ prathamā citiḥ . lokaṃpṛṇā dvitīyā . nāciketastṛtīyā . lokaṃpṛṇā caturthī . cāturhotra uttamā (pañcamī . vaiśvasṛjaḥ ṣaṣṭhī . āruṇaketukaḥ saptamī) ..31.. savanīyayūṣṇo mṛtyave grahaṃ gṛhṇāti .. 32 ..

2.6.23.61_81

etānagnīn (pṛthak samāsena vā] cinvāna ubhayīrdakṣiṇā dadāti kratudakṣiṇā (yathāsamāmnātam) - amidakṣiṇāśceti . kratudakṣiṇāḥ sarveṣāmagnidakṣiṇāśceturyadanuktaṃ mantrabrāhmaṇe tatprasiddham . (atra pṛthagaprayujya na samasyante ) .. 33 ..

2.6.23.61_82

(agniṃ citvā sautrāmaṇyā yajeta . maitrāvaruṇyā vā''mikṣayā) .. 34 ..

2.6.23.61_83

āruṇaketuko brāhmaṇavyākhyātaḥ .. 35..

2.6.23.61_84

divaḥśyenībhiranvaham̐ svargakāmo yajeta . apādyābhiśca . tā brāhmaṇavyākhyātāḥ .. 9 ..36..

2.6.23.61_85

iti satyāṣāḍhahiraṇyakeśisūtre trayoviṃśapraśne tṛtīyaḥ paṭalaḥ ..

2.6.23.61_86

23.4
atha trayoviṃśapraśne caturthaḥ paṭalaḥ .
atha savānāṃ vyākhyāto bṛhaspatisavaḥ .. 1..

2.6.23.61_87

vaiśyaḥ puṣṭikāma āgneyādīni sapta havīm̐ṣi nirvapati .. 2 ..

2.6.23.61_88

pṛśniḥ paṣṭhauhī mārutyālabhyate tasyāḥ purastātsviṣṭakṛto yajamānāyatana ṛṣabhacarma prācīnagrīvamuttaralomā''stṛṇāti . tasminnāsīnaṃ dadhnābhiṣiñcati .. 3 ..

2.6.23.61_89

brāhmaṇo brahmavarcasakāma āgneyādīnyaṣṭau havīm̐ṣi nirvapati purastātsviṣṭakṛto hiraṇyena ghṛtamutpūya tena kṛṣṇājina āsīnamabhiṣiñcati .. 4 ..

2.6.23.61_90

atha somasavaḥ . yatkiṃca rājasūyamṛte somaṃ tatsarvaṃ bhavati .. 5..

2.6.23.61_91

maitrābārhaspatyaṃ sam̐sthāpya saumīṃ sūtavaśāmālabhate .. 6 ..

2.6.23.61_92

tasyāḥ purastātsviṣṭakṛto'ṣāḍhaṃ yutsu pṛtanāsu paprimiti saumyarcā'dbhirabhiṣiñcati .. 7 ..

2.6.23.61_93

śeṣaṃ sam̐sthāpya sam̐sṛpām̐ havirdiśāmaveṣṭyā dvipaśunā paśubandhena sātyadūtānāṃ havirbhiḥ prayujāmiti yajeta .. 8..

2.6.23.61_94

pṛthisavena paśukāmaḥ . yatkiṃca rājasūyamanuttaravedikaṃ tatsarvaṃ bhavati .. 9 ..

2.6.23.61_95

maitrābārhaspatyasya purastātsviṣṭakṛto ye me pañcāśatamiti nārāśam̐syarcā'dbhirabhiṣiñcati .. 23.4.10 ..

2.6.23.61_96

samānamuttaraṃ pūrveṇa paśubandhavajam .. 11 ..

2.6.23.61_97

vyākhyāto gosavaḥ .. 12 ..

2.6.23.61_98

odanasavenānnādyakāmo rohiṇyāṃ yajeta .. 13 ..

2.6.23.61_99

upavyuṣam̐ śrapayati .. 14..

2.6.23.61_100

darvihomo bhavati .. 15 ..

2.6.23.61_101

udita āditye sim̐he vyāghra iti catasra āhutīrodanāddhutvā .. 16 ..

2.6.23.61_102

rāḍasi virāḍasītyetaiḥ pratimantraṃ manthān kalpayanti . ājyamanthaṃ brāhmaṇaḥ payomanthaṃ rājanyo dadhimanthaṃ vaiśya udamanthaṃ śūdraḥ .. 17 ..

2.6.23.61_103

indrāya tvā tejasvate tejasvantam̐ śrīṇāmīti . brāhmaṇaḥ saktubhirājyam̐ śrītvā tejo'sītyabhimantrya tatte prayacchāmīti yajamānāya prayacchati .. 18 ..

2.6.23.61_104

tejasvadastu me mukhamiti pratigṛhya bhakṣayati .. 19 ..

2.6.23.61_105

evamitareṣāmuttarottaraśrayaṇo'bhimantraṇaḥ pradāno bhakṣaṇaśca yathāliṅgam .. 23.4.20..

2.6.23.61_106

sarvānyajamāno bhakṣayitvā hiraṇyaṃ brāhmaṇāya dadāti . tisṛdhanvam̐ rājanyāya . aṣṭrāṃ vaiśyāya . māṣakamaṇḍaluṃ śūdrāya .. 21 ..

2.6.23.61_107

hiraṇyaṃ yajamānāyā''badhnātyāyurasi viśvāyurasītyābaddhyamāne japati .. 22..

2.6.23.61_108

odanaśeṣaṃ yajamānaḥ prāśnāti .. 23..

2.6.23.61_109

imamagne āyuṣe varcase kṛdhīti prāśnantamabhimantrayate.. 24 ..

2.6.23.61_110

apāṃ grahāngṛhṇanti ye manthānkalpayantyapāṃ yo dravaṇe rasa ityeteḥ pratimantram ..25..

2.6.23.61_111

tairenam̐ sam̐sṛṣṭairabhiṣiñcati yato vāto manojavā iti .. 26 ..

2.6.23.61_112

samudra ivāsi gahmanetyenamabhimantryāthainaṃ tribhirdarbhapuñjīlaiḥ pavayati . avabhṛthapratyāmnāyo bhavatīti vijñāyate ..27..

2.6.23.61_113

agreṇā''havanīyaṃ ratho'vasthito bhavati .. 28 ..

2.6.23.61_114

abhiprehīti taṃ yajamāno'bhyeti .. 29..

2.6.23.61_115

ātiṣṭha mitravardhana ityārohantamabhimantrayate .. 23.4.30 ..

2.6.23.61_116

aṅkau nyaṅkāviti rathacakre abhimṛśati . pakṣasī vā .. 31 ..

2.6.23.61_117

ātiṣṭha vṛtrahanniti pañcabhirārūḍham .. 32 ..

2.6.23.61_118

didṛkṣeṇyo darśanīyo bhavati . ya etena yajata iti vijñāyate .. 33 ..

2.6.23.61_119

saṃtiṣṭhata odanasavaḥ .. 34 .. 11 ..

2.6.23.61_120

vyākhyātaḥ pañcaśāradīyaḥ .. 35 ..
tathā'gniṣṭut .. 36..

2.6.23.61_121

tasya purorucaḥ . asyājarāso'gna āyūm̐ṣi pavasa ityaindravāyavasya . dvitīyā maitrāvaruṇasya . tṛtīyā''śvinasya . caturthī pañcamī ca śukrāmanthinoḥ ṣaṣṭhyāgrayaṇasya . anyāmāgneyīmukthyasya niyunakti . nityā dhruvasya . niyunaktyaindrāgnavaiśvadevayoḥ. agniśriya iti tisro marutvatīyānām . śrudhi śrutkarṇetyuttarā māhendrasya . viśveṣāmaditiriti tisra ādityagrahasya . uttamā sāvitrasya ..37..

2.6.23.61_122

niyunakti vaiśvadevasya . nityā pātnīvattasya . niyunakti hāriyojanasya .. 38 ..

2.6.23.61_123

indrastutendrastomenokthyenendriyakāmo vīryakāmo vā yajeta . aindriyaḥ purorucastiṣṭhā harī kasya vṛṣetyaindravāyavasya . tṛtīyā maitrāvaruṇasya . caturthyāśvinasya . pañcamī ṣaṣṭhī ca śukrāmanthinoḥ . saptamyāgrayaṇasya . nityokthyasya . niyunakti dhruvaindrāgnavaiśvadevānām . nityā marutvatīyamāhendrāṇām . ā no viśvābhirūtibhiriti tisra ādityagrahasya . uttamā sāvitrasya .. 39 ..

Linked texts (4)

Baudhāyanaśrautasūtra — Baudhāyana, Sanskrit
Taittirīyabrāhmaṇa — Sanskrit
Baudhāyanagṛhyasūtra — Baudhāyana, Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit