Kalpah 2.6.3.p11

2.6.3.p11

prāśitavatsu .
yaḥ sthālyām̐ śeṣastasminnārdrāḥ sapalāśāḥ .. 3 ..
stibhikavatīrastibhikā vā prādeśa mātrīrlakṣaṇyasyāśvatthasya tisraḥ samidho'nakti .
citriyādaśvatthātsaṃbhṛtā bṛhatyaḥ śarīramabhi sam̐skṛtāḥ stha . prajāpatinā yajñamukhena saṃdhitāstisrastrivṛdbhirmithunāḥ prajātyā ityabhimantrya . brāhmaudanika ādadhāti .
pra vo rājā abhidyavo haviṣmanto ghṛtācyā . devāñjigāti sumnayuḥ . upa tvā juhvo mama ghṛtācīryantu haryata . agne havyā juṣasva naḥ . udagne tava tadghṛtādarcī rocata āhutam . nim̐sānaṃ juhvo mukha iti tisṛbhirgāyatrībhirbrāhmaṇasya .
samidhā'gniṃ duvasyatetyeṣā . upa tvā'gne haviṣmatīrghṛtācīryantu haryata . juṣasva samidho mama . taṃ tvā samidbhira- ṅgiro ghṛtena vardhayāmasi . bṛhacchocā yaviṣṭhyeti vā .
samidhyamānaḥ prathamo nu dharmaḥ samaktubhirajyate viśvavāraḥ . śociṣkeśo ghṛtanirṇikpāvakaḥ suyajño agniryajathāya devān . ghṛtapratīko ghṛtayoniragnirghṛtaiḥ samiddho ghṛtamasyānnam . ghṛtapruṣa- stvā sarito vahanti ghṛtaṃ pibansuyajā yakṣi devān. āyurdā agna iti triṣṭugbhī rājyanyasya .
tvāmagne samidhānaṃ yaviṣṭha devā dūtaṃ cakrire havyavāham . urujrayasaṃ ghṛtayonimāhutaṃ tveṣaṃ cakṣurdadhire codayanvati . tvāmagne pradiva āhutaṃ ghṛtena sumnāya vaḥ suṣamidhā samī- dhire . sa vāvṛdhāna odhībhirukṣita urujrayām̐si pārthivā vitiṣṭhase . ghṛtapratīkaṃ va ṛtasya dhūrṣadamagniṃ mitraṃ na samidhāna ṛñjate . indhāno akro vidatheṣu dīdyacchu- kravarṇāmudu no yam̐sate dhiyamiti jagatībhirvaiśyasya .