Kalpah 2.6.4.p10
Kalpaḥ 2.6.4.p10
- Language
- Sanskrit
2.6.4.p10
devebhyaḥ kalpasveti kalpayati .
devebhyaḥ śundhasvetyadbhiḥ prokṣati .
devebhyaḥ śumbhasveti sikatābhiranu prakirati .
yatte krūraṃ yadāsthitamiti punarevādbhiravokṣati .
uttarato dakṣiṇato vā sphyenaikasphyāṃ niḥsāryāpo ripraṃ nirvahatetyapām̐ śeṣaṃ ninayati .
vibhrāḍbṛhatpibatu somyaṃ madhvāyurdadhadyajñapatāvavihrutam . vātajūto yo abhirakṣati tmanā prajāḥ piparti bahudhā virājatītyuttaravedyā antānkalpayati .
catuḥśikhaṇḍe yuvatī kanīne ghṛtapratīke bhuvanasya madhye . tayordevā adhisaṃvasanta uttame nāka iha mādayantāmiti vedimuttaravediṃ ca saṃmṛśati .
uttaravedyāṃ madhye goṣpadamātrīmaśvaśaphamātrīṃ prādeśamātrīṃ vottaranābhiṃ karoti .