Kalpah 2.6.4.p22

2.6.4.p22

4.3 atha caturthapraśne tṛtīyaḥ paṭalaḥ .
upaklṛptaḥ paśurakūṭo'karṇo'kāṇo'khañjo'khaṇḍo'ṣaṇḍho'ghṛṣṭo'śloṇo'saptaśaphaḥ pannadañchāgo yamānyataro yūthyo mātṛmānpitṛmānbhrātṛmānsakhimām̐stam̐ snāpayati .
iṣe tveti barhiṣī ādatte . upavīrasīti plakṣaśākhām .
indrāgnibhyāṃ tvā juṣṭamupākaromyupo devāndaivīrviśaḥ prajāpaterjāyamānā imaṃ paśuṃ paśupate ta iti barhirbhyāṃ plakṣaśākhayā ca paśumupākaroti .
prajānanta ityupākṛtya pañca juhoti .
paśupateḥ paśavo virūpāḥ sadṛśā uta . teṣāṃ yaṃ vavrire devāstam̐ svarāḍanumanyatāmiti vā madhye pañcamīṃ juhoti .
agnerjanitramasītyadhimanthanaśakalamādāyā- pareṇā''havanīyaṃ barhiṣi nidadhāti .
vṛṣaṇau stha iti prāñcau darbhau śakale'vadadhāti .