Kalpah 2.6.4.p28

2.6.4.p28

uro antarikṣetyantareṇa cātvālotkarāvudañco niṣkrāmanti .
uttareṇa cātvālam̐ śāmitradeśastasminnulmukaṃ nidhāyottareṇa śāmitramatikrāmati .
udīcīnām̐ asya pado nidhattādityucyamāne samasya tanuvā bhavetyupākaraṇayorbarhiṣoranyataratprāgagramudagagraṃ vā nyasyati tasminnenaṃ pratyakśirasamudīcīnapādaṃ nighnantyamāyuṃ kṛṇvantaṃ saṃjñapayatācchaṅkyaṃ prabrūtādityuktvā .
parāṅāvartate yajamāno'dhvaryuśca nānāprāṇa ityadhvaryuryajamānamabhimantrayate .
iha paśavo viśvarūpā ramantāmagniṃ kulāyamabhi saṃvasānāḥ . asmām̐ avantu payasā ghṛtena . . yāsāmūdhaścaturbilaṃ madhoḥ pūrṇaṃ ghṛtasya ca . tā naḥ payasvatīḥ santvasmingoṣṭha ṛtāvṛdha iti pṛṣadājyamavekṣamāṇau vāgyatāvāsāte yajamāno'dhvaryuśca .
indrasya bhāgaḥ suvite dadhātanemaṃ yajñaṃ yajamānaṃ ca sūrau . yo no dveṣṭya ta tam̐ rabhasvānāgaso yajamānasya vīrā ityadhvaryuḥ paśumabhimantrayate yadi rauti .. 11 ..
iti satyāṣāḍhahiraṇyakeśisūtre caturthapraśne tṛtīyaḥ paṭalaḥ .. 3 ..