Kalpah 2.6.4.p33

2.6.4.p33

śyenīm̐ suśṛtāṃ kṛtvā supippalā oṣadhīḥ kṛdhīti dakṣiṇasyāṃ vediśroṇyāṃ plakṣaśākhāyāṃ nidadhāti .
pradyutā dveṣām̐sīti vapāśrapaṇī pravṛhati .
srucau hotā''dāpayati ghṛtavatīmadhvaryo srucamāsyasvetyucyamāne juhūpabhṛtāvādāyātyākra- myā''śrāvya pratyāśrāvite svāhākṛtībhyaḥ preṣyeti saṃpreṣyati vaṣaṭkṛte hutvā pratyākramya prayājaśeṣeṇa pṛṣadājyamabhighārya vapāmabhighārayati [ dvirvapām̐ sakṛtpṛṣadājyam] .
dhruvāṃ vā prathamaṃ yadyājyabhāgau yakṣyanbhavati kṛtākṛtāvājyabhāgau .
juhvāmupastīrya hiraṇyaśakalamavadhāya kṛtsnāṃ vapāmava- dyatyupariṣṭāddhiraṇyaśakalamavadhāyābhighāryendrāgnibhyāṃ chāgasya vapāyā medaso'nubrūhīti saṃpreṣyati .
āśrāvya na preṣyati maitrāvaruṇo hotāraṃ codayati.
purastādvapāyā homātsvāhā devebhya iti pūrvaṃ parivapyaṃ juhoti .
jātavedo vapayā gaccha devāniti vaṣaṭkṛte vapāṃ devebhyaḥ svāhetyuttaram.