Kalpah 2.6.4.p4

2.6.4.p4

śeṣamājyasya karoti dhārayatyāhavanīyam .
uru viṣṇo vikramasveti sruveṇā''havanīye yūpāhutiṃ juhoti ..
ājyaśeṣaṃ sruvaṃ cā''datte vakṣṇe paraśuṃ prayacchati tadgacchanti yatra yūpaṃ chetsyanto bhavanti .
pālāśaḥ khādiro bailvo rauhītakaśca yūpyā vṛkṣāḥ .
pālāśaṃ brahmavarcasakāmasyānnādyakāmasya vā khādiram̐ svargakāmasya bailvaṃ brahmavarcasakāmasya rohītakaṃ prajākāmasya .
tryaparārdhyā̭nyūpyānvṛkṣānatikramya.
ya ṛjurūrdhva ūrdhvaśakala ūrdhvaśākhā same bhūmyai svādyone rūḍhaḥ .
yaṃ kāmayetāpratiṣṭhitaḥ syādityārohaṃ tasmai vṛścedyaṃ kāmayetāpaśuḥ syādityaparṇaṃ tasmai śuṣkāgraṃ kāmayeta paśumānsyāditi bahuparṇaṃ tasmai bahuśākhamaśuṣkāgram .