Kalpah 2.6.4.p8
Kalpaḥ 2.6.4.p8
- Language
- Sanskrit
2.6.4.p8
api vā ṣaḍaratniṃ prācīṃ caturaratniṃ paścāttiraścīṃ tryaratniṃ purastāttiraścīmasaṃnatā bhavati .
yatprāguttarasmātparigrāhāttatkṛtvā pūrvārdhe vederyūpāvaṭāyāvakāśamavaśiṣya śamyayottaravediṃ vimimīte .
purastādudīcīnakumbām̐ śamyāṃ nidhāya vittāyanī me'sīti sphyenodīcīṃ lekhāṃ likhati .
dakṣiṇataḥprācīnakumbāṃ nidhāya tiktāyanī me'sīti dakṣiṇataḥ prācīṃ paścādudīcīnakumbāṃ nidhāyāvatānmā nāthitamiti paścādudīcīmuttarataḥ prācīnakumbāṃ nidhāyāvatānmā vyathitamityuttarataḥ prācīmabhyantaraṃ parilikhati .
uttareṇottaraṃ vedyam̐saṃ prakrame cātvālastaṃ parilikhatyanenaiva kalpena yadanyanmantrebhyaḥ .
devasya tvetyabhrimādāya videragnirnabho nāmeti khanati .
jānudaghnaṃ trivitastaṃ vā khātvā .
agne aṅgira ityabhriṃ praharati .