Kalpah 2.6.5.p40

2.6.5.p40

5.6 atha pañcamapraśne ṣaṣṭhaḥ paṭalaḥ
tato dvyahe tryahe caturahe'rdhamāse māsa ṛtau caturṣu vā māseṣu śunāsīrīyeṇa yajate tasya vaiśvadevena kalpo vyākhyātaḥ pañca saṃcarāṇi nirupyaindrāgnaṃ dvādaśakapālaṃ nirvapati vaiśvadevaṃ carumindrāya śunāsīrāya puroḍāśaṃ dvādaśakapālaṃ vāyavyaṃ payaḥ sauryamekakapālaṃ vāyavyā- yavāgūḥ pratidhugvendrāya śunāsīrāya puroḍāśaṃ dvādaśakapālamuttamameke samāmananti .
anuvatsarīṇām̐ svastimāśāste divyaṃ dhāmā''śāsta iti sūktavākasyā''śīṣṣu hotā'nuvartayati vatsarīṇāmiti vā .
aparapakṣe samasyansvakāle paurṇamāsye(sene)ṣṭvodavasāyānudavasāya vā prasūtā devena savitretyundantyekaṃ māsamudasṛjatparameṣṭhī prajābhyastenā''bhyo maha āvahadamṛtaṃ martyā- bhyaḥ prajāmanu prajāyase tadu te martyāmṛtaṃ yena māsā ardhamāsā ṛtavaḥ parivatsarā yena te te prajāpata ījānasya nyavartayantenāhamasya brahmaṇā nivartayāmi jīvase'gni- stigmena śociṣeti nivartanaṃ vāpanaṃ yathā purastāt ..17..
saṃtiṣṭhante cāturmāsyāni 5
nainamanījānatam̐ somena phālgunī prāpnuyāt .
somābhāve paśunā .
paśvabhāve punaḥprayogaścāturmāsyānām .
vaiśvadevena paśukāmo yajeta yasminnasya vasante bhūyiṣṭhaṃ payaḥ syāt .
vaiśvadevena paśukāmo yajeta yāvatsahasraṃ paśūnprāpnuyāt .
prāpte sahasre svasthānairitarairyajate .
śunāsīrīyeṇa yajeta grāmakāma prajākāmaḥ paśukāmo vṛṣṭikāmo'nnādyakāmo vā varṇyamudakamanvavasāya tata udakārthānkurvāṇaḥ . varṣāsu bhavaṃ varṣyamudakaṃ yatrāsti tatra gatvā yajate tasmādevodakādudakaprayojanam . pañcasaṃvatsarāṇi vyākhyāsyāmastantraṃ pañcahotā vaiśvānarapārjanyau ca phālgunyāṃ prayujya dvāvṛtū saṃvatsarāviṣṭvā tṛtīyasya māsaṃ na yajeta caitryāṃ tu prayujya trīnṛtūnsaṃvatsarāniṣṭvā caturthasya māsaṃ na
yajetaivaṃ vihitaṃ dvyavarārdhyaṃ tryavarārdhyaṃ vā'bhyasyedabhyasyet .. 18 ..
iti satyāṣāḍhahiraṇyakeśisūtre pañcamapraśne ṣaṣṭhaḥ paṭalaḥ .. 6 ..
iti hiraṇyakeśisūtre pañcamaḥ praśnaḥ .. 5 ..