Kalpah 2.6.5.p6

2.6.5.p6

vājinodrekeṇa diśaḥ pratiyajati yathā vasāhomodrekeṇa .
samupahūya sarve vājinaṃ bhakṣayantyanyonyasminnupahavamicchanta upahvayasvetyāmantraṇa upahūta iti prativacanaḥ .
vājināṃ bhakṣo avatu vājo asmānretaḥ siktamamṛtaṃ balāya . sa na indra indriyaṃ draviṇaṃ dadhātu mā riṣāma bājinaṃ bhakṣayantastasya te vājinvājibhirbhakṣaṃ kṛtasya madhumata upahūtasyopahūto bhakṣayāmīti bhakṣayanti .
yajamānaḥ prathama uttamo vā .
śvobhūte paurṇamāseneṣṭvodavasāyānudavasāya vā .
prasūnā devena savitrā daivyā āpa undantu dīrghāyutvāya varcasa iti śiro'bhyunatti .
ṛtameva parameṣṭyṛtaṃ nātyeti kiṃcanarte samudra āhita ṛte bhūmiriyam̐ śritā'gnistigmena śociṣā tapa ākrāntamuṣṇihā śirastapasyāhitaṃ vaiśvānarasya tejasartenāsya nivartaye satyena parivartaye tapasā'- syānuvartaye śivenāsyopavartaye śagmenāsyābhivartaya iti treṇyā śalalyekṣuśalākayā vā keśānvināyan.
lauhena kṣureṇaudumvareṇa keśānnivartayati .