Kalpah 2.6.7.p25

2.6.7.p25

udakena kledayitvā kṛṣṇāmūrṇāstukāmidamaham̐ sarpāṇāṃ dandaśūkānāṃ grīvā upagrathnāmītyupagrathya somavikrayiṇi tama iti tayā somavikrayiṇam̐ rarāṭe vidhyati .
svajā asi svabhūrasyasmai karmaṇe jāta ṛtena tvā gṛhṇāmyṛtena naḥ pāhīti kṣomavikrayiṇo rājānamapādatte .
yadi kṛcchrāyetāpaiva hareta .
indrasyorumāviśa dakṣiṇamiti yajamānasyorau rājānamāsādayati .
nīva gṛhṇīte .
adhvaryavā śaktavā iti yajamānaḥ pṛcchatyāśakāmetyadhvaryuḥ kathamāśakateti viṣṇum̐ stomamarutsmahi bṛhaspatiṃ chandām̐syutthāya yajūm̐ṣi vi parvatā ajihata sutaraṇā apo atāriṣamityadhvaryuḥ .
svānabhrājeti somakrayaṇānanudiśati .
rudrastvā''vartayatviti somakrayaṇīmāvṛtyānyayā gavā niṣkrīya yajamānasya goṣvapisṛjati .