Kalpah 2.6.7.p55
Kalpaḥ 2.6.7.p55
- Language
- Sanskrit
2.6.7.p55
rakṣohaṇo valagahano'vanayāmi vaiṣṇavāniti yavamatīrapo'vanayati .
yavo'sīti yavaṃ prāsyati .
rakṣohaṇo valagahano'vastṛṇāmi vaiṣṇavāniti prācā barhiṣā'vastṛṇāti .
rakṣohaṇo valagahano'bhijuhomi vaiṣṇavāniti hiraṇyamantardhāya sruveṇābhijuhoti .
rakṣohaṇau valagahanau prokṣāmi vaiṣṇave ityadhiṣavaṇaphalake prokṣatyaudumbare kārṣmaryamaye pālāśe vā taṣṭe pradhimukhe sam̐hite purastātsamāpikarte paścāddvayaṅgulena tryaṅgulena caturaṅgulena vā paścādasam̐hite saṃtṛṇṇe asaṃtṛṇṇe vā .
rakṣohaṇau valagahanāvupadadhāmi vaiṣṇavī ityadhiṣavaṇa phalakābhyāmuparavānapidadhāti dvau dakṣiṇena dvāvuttareṇa .
rakṣohaṇau valagahanau paryūhāmi vaiṣṇavī ityauparaveṇa purīṣeṇa paryūhati .
rakṣohaṇau valagahanau paristṛṇāmi vaiṣṇavī iti darbhaiḥ paristṛṇāti .