Kalpah 2.6.7.p71

2.6.7.p71

ādāya kumbham̐ savye'm̐se'tyādhāyāpareṇa prāja hitamatikramya dakṣiṇayā dvāropanirhṛtya dakṣiṇaṃ vedyantamanu parihṛtyendrāgniyorbhāgadheyīḥ stheti dakṣiṇasyāmuttaravediśroṇyām̐ sādayati .
ādāya kumbhaṃ dakṣiṇe'm̐se'tyādhāya yathetaṃ pratyetyottarapūrvayā dvāropanirhṛtyottaraṃ vedyantamanu parihṛtya mitrāvaruṇayorbhāgadheyīḥ sthetyuttarasyāmuttaravediśroṇyām̐ sādayati .
ādāya kumbham̐ savye'm̐se'tyādhāya tīrthena prapādya viśveṣāṃ devānāṃ bhāgadheyīḥ sthetyāgnīdhre sādayati ..
atra vasanti .
subrahmaṇya subrahmaṇyāmāhvayeti saṃpreṣyati pitāputrīyā subrahmaṇyā bhaveti .
yā yajamānasya vratadhuktāmāśire duhrata yā patnyāstāṃ dadhi- grahāya yā gharmadhuktāṃ dadhigharmāya taptamanātaṅkyaṃ payo maitrāvaruṇāya śṛtātaṅkyaṃ dadhyādityagrahāya kurutāditi saṃpreṣyati.
āgnīdhra ṛtvijo'laṃkṛtā vasanti .
prāgvam̐śe patnīṃ jāgarayanti .