Kalpah 2.6.8.p33

2.6.8.p33

dvau samudrāviti droṇakalaśādhavanīyau .
dve dradhasī iti pūtabhṛtam
paribhūragnimiti sarvasomam .
prāṇāya ma ityupām̐śupātramapānāya ma ityantaryāmaṃ vyānāya ma ityupām̐śusavanaṃ grāvāṇaṃ vāce ma ityaindravāyavaṃ dakṣakratubhyāṃ ma iti maitrāvaruṇaṃ cakṣurbhyāṃ ma iti śukrāmanthinau śrotrāya ma ityāśvinamātmane ma ityāgrayaṇamaṅgebhyo ma ityukthyamāyuṣe ma iti dhruvaṃ vīryāya ma ityatigrāhyām̐stejase ma ojase me varcase ma iti vaitairyathārūpaṃ varcodā varcase pavasveti sarvatrānuṣajati .. 13 ..
viṣṇorjaṭharamasīti droṇakalaśamindrasya jaṭharamasītyādhavanīyaṃ viśveṣāṃ devānāṃ jaṭharamasīti pūtabhṛtaṃ varcodā me varcase pavasveti sarvatrānuṣajati . ko'si ko nāmeti sarvam̐ rājānamaviśeṣeṇa .
bubhūṣanbrahmavarcasakāma āmayāvyannādyakāmo'bhicaranvā'vekṣeta .
sphyaḥ svastirityutkare vedikaraṇāni saṃnyastāni yathārūpam .
yajñiyā yajñakṛtaḥ stheti sarvāṇi .