Kalpah 2.6.8.p9

2.6.8.p9

analaṃkṛteṣvabhūduṣāruśatpaśurāgniradhāyyṛtviya ityetasyām̐ śasya mānāyām̐ śṛṇotvagniḥ samidhā havaṃ ma ityetaccaturgṛhītaṃ juhoti .
aparaṃ caturgṛhītaṃ gṛhītvā .. 2 ..
darbhamuṣṭiṃ dhārayamāṇo'pa iṣya hotarmaitrāvaruṇasya camasādhvaryavādravaikadhanina ādravata neṣṭaḥ patnīmudānayonnetarhotṛcamasena vasatīvarībhiśca cātvālaṃ pratyupāssveti saṃpreṣyati .
maitrāvaruṇa camasādhvaryuścamasamādāyā''dravati .
tryavarārdhā ayuja ekadhanāsthālīrādāyā''dravanti .
prehyudehīti neṣṭā patnīmudānayati .
yatra hotuḥ prātaranuvākamanubruvata upaśṛṇuyāttadapo'dhvaryurgṛhṇīyāt .
yadi dūre syurudū(du)hya gṛhṇīyādyatra hotuḥ śṛṇoti .