Kalpah 2.6.9.20

2.6.9.20

yasmānna jātaḥ paro anyo asti ya āviveśa bhuvanāni viśvā . prajāpatiḥ prajayā saṃvidānastrīṇi jyotīm̐ṣi sacate sa ṣoḍaśī . eṣa brahmā ya ṛtviya indro nāma śruto gaṇe pra te mahe vidathe śam̐siṣam̐ harī . ya ṛtviyaḥ pra te vanve vanuṣo haryataṃ madam . indro nāma ghṛtaṃ na yo haribhiścāru secate . śruto gaṇa ā tvā viśantu harivarpasaṃ gira iti sarveṣu grahaṇeṣu ṣoḍaśinamabhimantrayate .
acchāvākacamasamukhyām̐ścamasānunnayannekasmai camasagaṇāya rājānamatirecayati .
taiḥ pracarya ṣoḍaśinā pracarati .
samayāviṣite sūrye hiraṇyena barhirbhyāṃ ca ṣoḍaśinaḥ stotramupākaroti .
śvetamaśvaṃ purastāddhārayatyaruṇapiśaṅgaṃ kṛṣṇaṃ vā .
hiraṇyam̐ sāṃpradāyam̐ stuvate .
harivacchastram.
upariṣṭātstotriyānurūpābhyāmothāmoda iva mademadāmoda ivomatheti vyatyāsaṃ pratigṛṇāti .
anuṣṭupsu siddhaḥ pratigaraḥ.
śastraṃ pratigīrya grahamādatte camasām̐ścamasādhvaryava
ukthaśā yaja somānāmiti saṃpreṣyati .. 1m̐m̐ ..
indrādhipate'dhipatistvaṃ devānāmasyadhipatiṃ māmāyuṣmantaṃ varcasvantaṃ manuṣyeṣu kurviti ṣoḍaśinaṃ juhoti .
indraśca samrāḍvaruṇaśca rājā tau te bhakṣaṃ cakraturagra etaṃ tayoranubhakṣaṃ bhakṣayāmi vāgjuṣāṇā
somasya tṛpyatviti grahasya bhakṣayati .
ādityavadgaṇena camasānām .
anuṣṭupacchandasa iti bhakṣamantram̐ saṃnamati .
atirātreṇa brahmavarcasakāmaḥ .
tasya ṣoḍaśinā kalpo vyākhyātaḥ.
ekavim̐śatichadi sadaḥ .
na kratukaraṇaṃ juhoti na droṇakalaśam̐ rarāṭīṃ vopaspṛśatyetadeva yajurvadanhavirdhāne prapadyata etāvānkratukaraṇaḥ .
sārasvartī meṣīmatirātre caturthīm̐ savanīyāmālabhate meṣamityekeṣām .
ṣoḍaśinaścamasānunnayam̐strayodaśabhyaścamasagaṇebhyo rājānamatirecayati .
taiḥ pracarya rātriparyāyaiḥ pracarati .
upayāmagṛhīto'sīndrāya tvā'pi śarvarāyeti mukhyaṃ mukhyaṃ camasamunnayati .
stutaśastre bhavataḥ.
hotṛcamasamukhyānprathamānunnayati maitrāvaruṇacamasamukhyāndvitīyānbrāhmaṇāccham̐sicamasamukhyām̐stṛtīyānacchāvākacamasamukhyām̐ścaturthān .
sa prathamo rātriparyāyaḥ .
evaṃ vihito dvitīyastṛtīyaśca rātriparyāyaḥ .
taiḥ pracaryā''śvinasya pātrasam̐sādanaprabhṛtīni karmāṇi pratipadyata āśvinaṃ dvikapālaṃ nirvapati.
tamāsādya .
hotṛcamasamukhyānsaṃdhicamasānunnayati .
stutaśastre bhavataḥ .. 20 ..