Kalpah 2.7.11.4

2.7.11.4

11.4 caturthaḥ khaṇḍaḥ
pañcaviṃśe caturviśasyottame paryāye paricarāyāmāvapediti gautamaḥ 1 āvāpasthāna iti dhānaṃjayyaḥ 2 prathamasyāvāpasthāna iti śāṇḍilyaḥ 3 caturviṃśena vā stutvā madhyamāmahiṃkṛtāṃ tṛcasya prastuyāt 4 sa āskando nāma 5 taṃ na kuryāditi śāṇḍilyāyanaḥ 6 uttamāyāᳪ stotrīyāyāṃ prastutāyāṃ pādāvupāharet 7 saha nidhanena bhūmau pratiṣṭhāpayet 8 āhriyamāṇe bhakṣe pratilomairārohaṇīyairavaruhya japenmahī dyauḥ pṛthivī ca na imaṃ yajñaṃ mimikṣatāmpipṛtāṃ no bharīmabhiriti 6 adha āsīnāḥ śeṣeṇa stuvīran 10 udayanīye'tirātre saṃsthite'vabhṛthamabhyaveyuḥ 11 anupamajjantaḥ pāṇibhiḥ saṃdhāveran 12 yasyātra patnī syāt pṛṣṭhaṃ tayā vyuddhāvayet 13 tānunnetodānayet 14 udetya gṛhapatiḥ somopanahanaṃ paridadhīta 15 ahatāni vasanānītare 16 abhyukṣaṇaprabhṛti samāpayeyuḥ 17 yeneto gaccheyuranyena pratyāvrajeyuḥ pāpmano'vyatiṣaṅgāya 18 anubandhyavapāyāṃ hutāyāṃ dakṣiṇe vedyante keśaśmaśrūṇi vāpayet 16 tasmin saᳪsthite prāñca udañco vā gatvā pṛthagudavasanīyābhiriṣṭibhirāhitāgnayo yajeran 20 gṛhapatiṃ yajamānamanāhitāgnaya upāsīran 21 taddevatyaiḥ sthālīpākairyajeranniti dhānaṃjayyaḥ 22 saṃvatsaraṃ saṃvaseyuḥ 23 dvādaśarātramahorātrau vā 24 yāvadvā sunuyuryāvadvā sunuyuḥ 25
iti drāhyāyaṇaśrautasūtre ekādaśe paṭale caturthaḥ khaṇḍaḥ 4