Kalpah 2.7.12.1

2.7.12.1

12.1 dvādaśaḥ paṭalaḥ . prathamaḥ khaṇḍaḥ
sarvatra brahmā dakṣiṇataḥ 1 udaṅmukhaḥ kuryāddhomebhyo'nyata 2 pākayajñā ityācakṣata ekāgnau yajñān 3 teṣāᳪhoṣyantsutūṣṇīmupaviśet 4 hute yathārthaṃ syāt 5 śūlagave ca balīn hriyamāṇānanugacchet 6 nidhīyamānānāṃ dakṣiṇataḥ sthitvā nihiteṣvapa upaspṛśyānavekṣaṃ pratyāvrajet 7 tūṣṇīṃ pākayajñe dakṣiṇāmomiti vā pratigṛhṇīyāt 8 paśureva paśordakṣiṇā 6 pūrṇapātraṃ sthālīpākasya 10 ubhayoryathotsāhaṃ vā 11 na vitānaṃ pṛṣṭhataḥ kurvīta 12 yena yajñāṅgena saṃyujyeta tadabhyāvarteta 13 karmādiṣu sarveṣvadhvaryusapraiṣamāgamayet 14 pūrvayā ca dvārānādeśe praviśet 15 agnyādheye dakṣiṇayā dvārā prapadya cātuṣprāśyaṃ nirvapsyatsu tūṣṇīmupaviśet 16 nirupte yathārthaṃ syāt 17 taduddhariṣyatsvevameva 18 taccedanṛtvigbhiḥ prāśayeyustaṇḍulānādāyāpavidhyeyurneṣṭāviddhaṃ kṛtānīti 19 athānyānnidadhīran 20 ādhāsyamānasyāraṇyoḥ prattayoryathārthaṃ syāt 21 pūrvāhṇe dakṣiṇenāgnyāyatanāni gatvā yatrāgniṃ manthiṣyantaḥ syustaddakṣiṇato nirastaḥ parāvasuriti dakṣiṇā tṛṇaṃ nirasyedāvasoḥ sadane sīdāmītyupaviśet 22 bhūrbhuvaḥsvarbṛhaspatibrahmāhaṃ mānuṣa omiti 23 etenopaviśedyajuṣeti yatra syāt 24 agniṃ hriyamāṇamanugacchet 25 nihite yajuṣopaviśet 26 atra prathamamiti śāṇḍilyaḥ 27 dvitīyamiti dhānaṃjayyaḥ 28 jāte rāthantaraṃ gāyet 26 vāmadevyaṃ hriyamāṇe 30 bṛhannihite 31 sarvāṇi tūceṣu manasā 32 vācā gāyediti hyukte kimanyadvācā pratīyeta 33 athāpi gānamevādhvaryave vidhīyate na manaseti 34 api vā rahasyānyeva manasā gāyet . na hyaraṇye geyānāṃ gānaṃ grāme vidyata iti 35 prathamottamayoḥ sthāne vāravantīyayajñāyajñīya iti lāmakāyanaḥ 36 pūrve kalpe bhūyāᳪsīti śāṇḍilyaḥ 37
iti drāhyāyaṇaśrautasūtre dvādaśe paṭale prathamaḥ khaṇḍaḥ 1