Kalpah 2.7.13.4

2.7.13.4

13.4 caturthaḥ khaṇḍaḥ
abhyukṣaṇaprabhṛtyata ūrdhvam 1 ādityaṃ nopatiṣṭheran 2 pūrṇāhutau hūyamānāyāmāsitvā hutāyāṃ yathārthaᳪ syāt 3 saktuhomāᳪścejjuhuyurāsītā teṣāᳪhomāt 4 sautrāmaṇyāᳪ surākarmasvāvrājamāsīta 5 tatra dvāvamī atipraṇayanti tayordakṣiṇata āsīt 6 dakṣiṇamadhyadhi kumbhyāmāsaktāyāṃ śatātṛṇṇāyāᳪsurāśeṣeṣvāsicyamāneṣūpatiṣṭheran
yatte pavitramarciṣyagne vitatamantarā . brahma tena punīhi me iti 7 aśvinorgrahasya bhakṣayedyamaśvinānamucerāsurādadhi sarasvatyasunodindriyeṇa . imaṃ taᳪśukraṃ madhumantaminduᳪ somaᳪrājānamiha bhakṣayāmi iti 8 yajamānaṃ cedvasātiśeṣeṇābhiṣiñceyurupotthāyāntareṇāgnī gatvādhvaryuṇoktaḥ saᳪśānāni gāyet 6 padāya padāya stobhet 10 nidhanānyupayanto yajamānasya mūrdhānamālabheran 11 saṃ tvā hinvantītyeteṣāṃ pūrvaḥ pūrvaḥ stobha uttaramuttaraṃ nidhanam 12 śravasa iti sthāne jityā iti kṣatriyasya puṣṭyā iti vaiśyasye tyeke 13 dve sautrāmaṇyau kaukilī carakasautrāmaṇī ca 14 kaukilyāṃ sāmagānaṃ netarasyāᳪsaṃśānāni gāyediti ha smāha kautsaḥ 15 sapta haviryajñasya saṃsthā agnyādheyamagnihotraṃ darśapūrṇamāsāvāgrayaṇaṃ cāturmāsyāni nirūḍhapaśubandhaḥ sautramaṇī ceti 16 sapta somasaṃsthā agniṣṭomo'tyagniṣṭoma ukthyaḥ ṣoḍaśī vājapeyo'tirātro'ptoryāma ityaptoryāma iti
iti drāhyāyaṇaśrautasūtre trayodaśe paṭale caturthaḥ khaṇḍaḥ 4