Kalpah 2.7.13.3

2.7.13.3

13.3 tṛtīyaḥ khaṇḍaḥ
yajamānasyāmātyā ekaikamapūpamādāya triḥpradakṣiṇamagniṃ parīyuḥ 1 tatra brahmā pariyañjapediti dhānaṃjayyaḥ 2 tiṣṭhanniti śāṇḍilyaḥ 3 tryambakaṃ yajāmahe sugandhiṃ puṣṭivardhanam . urvārukamivabandhanānmṛtyormukṣīyamāmṛtāt iti .. jāmī kumārī vā yā syāt patikāmā sāpi parīyāt . tryambakaṃ yajāmahe sugandhiṃ pativedanam . urvārukamiva bandhanāditomukṣīya iti jñātīnabhisaṃkalpayet 4 māmuta itīṣṭamabhinirdiśedamuṣya gṛhāditi 5 evaṃ triḥ parītyodasyeyuḥ 6 teṣāṃ brahmaikaṃ lipsitvā yasya sa syāttasmai prayacchet 7 tasya vauvasantaṃ pāṇāvālabheta 8 tathaiva triḥ pratiparīyuḥ 6 yatrainānadhvaryurāsajettatropatiṣṭheranneṣa te rudra bhāgastenāvasena paro mūjavato'tīhi kṛttivāsāḥ pinākahasto'vatatadhanvomiti 10 ātamito japeyuḥ 11 śaṃ no devīrityapa upaspṛśyānapekṣaṃ pratyāvrajeyuḥ 12 varuṇapraghāsairvyākhyātaṃ brahmatvaṃ haviryajñeṣu 13 paśūnāṃ yūpāhutiᳪ hoṣyatsu tūṣṇīmupaviśet 14 hutāyāṃ yathārthaṃ syāt 15 vapāyāᳪhutāyāmidamāpa iti cātvāle mārjayitvā paśūnāṃ yathārthaᳪ syāt 16 puroḍāśena cariṣyatsu tūṣṇīmupaviśet 17 āhṛtaṃ puroḍāśamālabhya brūyāt prāśnantu ye prāśiṣyanta iti 18 anuvrajetsarvapaśūnāṃ patnīsaṃyājāniti gautamaḥ 16 savanīyasyaiveti dhānaṃjayyaḥ 20 na savanīyasya ca neti śāṇḍilyaḥ 21 hṛdayaśūlo'trāvabhṛthanyaṅgasthāne bhavati 22 tasminnapa upaspṛśeyuḥ dhāmno dhāmno rājaᳪstato varuṇa no muñca . yadāpo aghnyā varuṇeti śapāmahe tato varuṇa no muñca . sumitriyā na āpa oṣadhayaḥ santu durmitriyāstasmai santu yo'smān dveṣṭi yaṃ ca dviṣmaḥ iti 23
iti drāhyāyaṇaśrautasūtre trayodaśe paṭale tṛtīyaḥ khaṇḍaḥ