Kalpah 2.7.7.3

2.7.7.3

7.2 dvitīyaḥ khaṇḍaḥ
āhitāgnirasomayājī paraᳪ somena yājayitvā paribhakṣaṃ kurvīta 1 somayājyapīti śāṇḍilyaḥ 2 hutòyāṃ prātarāhutāvājyaṃ gārhapatye'dhiśrityodagudvāsayet 3 kaṃse camase vā drapsānavadhāya dakṣiṇāgnāvupasādayet 4 sphyadarbhamuṣṭī ca 5 paścimena gārhapatyaṃ gatvā paścādāhavanīyasyopaviśya sruveṇa srucyājyaṃ gṛhṇīyāt . yāvadgṛhītī syāt 6 tajjuhuyādimāmagne śaraṇiṃ mīmṛṣo na imamadhvānaṃ yamagāma dūrāt . āpiḥ pitā pramatiḥ somyānāṃ bhūmirasyṛṣikṛnmartyānāᳪ svāheti 7 evameva gṛhītvāpāṃ puṣpamasyoṣadhīnāᳪraso'gneḥ priyatamā tanūrindrasya priyatamaᳪhaviḥ svāheti 8 ājyasya pūrvān grahān gṛhītvā dadhna uttamaṃ viśvebhyo devebhyaḥ svāheti 9 dadhiśeṣaṃ srucyānīyodaṅṅāvṛtya prāśnīyāttava somavrate vayaṃ manastanūṣu piprataḥ prajāvanto aśīmahīti 10 prakṣālya srucaṃ yathetaṃ pratyāvrajya prācīnāvītī bhūtvāpa upaspṛśya dakṣiṇāgneḥ sthaṇḍilaᳪ samūhyādbhiḥ saṃprokṣya sphyena sakṛdullikhyolmukamupanidhāya darbhānupastīryāpa upaninīyāmīṣāṃ drapsānāṃ nipṛṇuyādavamebhyaḥ pitṛbhyaḥ svadhā sahabhakṣebhya iti prathamam 11 aurvebhyaḥ kāvyebhya ityevameva dakṣiṇā pṛthak 12 atra pitaro mādayadhvaṃ yathābhāgamāvṛṣāyadhvamityuktvodaṅṅāvṛtyāsitvā yāvanmanyeta tāvat 13 abhiparyāvartamāno japedamīmadanta pitaro yathābhāgamanantaritāḥ pitaraḥ somapīthāditi 14 tāndarbhāndrapsāṃśca dakṣiṇāgnau praharet 15
iti drāhyāyaṇaśrautasūtre saptame paṭale dvitīyaḥ khaṇḍaḥ 2