Kalpah 2.7.7.4

2.7.7.4

7.3 tṛtīyaḥ khaṇḍaḥ
yajñopavītī bhūtvāpa upaspṛśya gṛhān vrajañjapet . upaśivena manasā gṛhānaimi mānuṣān . gṛhāmā vibhīta mā vepidvamūrjaṃ vibhrata evamasyūrjaṃ bibhradvaḥ . sumanāḥ sumeghā gṛhānaimi manasā daivena . yeṣāmadhyeti pravasanyeṣu saumanaso bahurgṛhānupahvayāmahe . te no jānantu jānata upahūtā iha gāvaḥ . upahūtā ajāvayo'tho annasya yo rasa upahūto gṛheṣu naḥ iti 1 paścācchālāmagnerupaviśya japediha gāvaḥ prajāyadhvamihāśvā iha puruṣāḥ . iho sahasradakṣiṇo'pi pṛṣā niṣīdatviti 2 agnestṛṇāni pratyūhya yaḥ suhṛttamabhi bhāṣeta 3 goṣu gā api sṛjet . upedamupaparcanamāsu goṣūpapṛcyatāmuparṣabhasya retasyupendra tava vīrya iti 4 memā indragāvo ṛṣanmo āsāṃ gopati ṛṣanmā sāma mitrayurjana indramā stena īśata iti 5 satrāya dīkṣiṣyamāṇāḥ saṃvaderan saha naḥ sādhukṛtyā nānāpāpakṛtyā yadasmintsatre'tha yatpurā cakṛma kartāsmaśca yathopasthitameva nastaditi 6 yo no'vratyaṃ careddīkṣito naḥ sa dīkṣitān yājayet 7 saṃvatsaraṃ ha sma pūrve'nyonyasya krodhamākrośaṃ nibhṛtaṃ śīlamiti saṃvijñāya dīkṣante 8 teṣāṃ dīkṣāprabhṛti patīśālāyāṃ bhojanasaṃveśane syātām 6 upavasathyaprabhṛtyāgnīdhrīye 10 sandhivelayorvācaṃ yaccheyuḥ 11 vicakṣaṇāntāṃ vācaṃ bhāṣeran 12 na kaṃcanābhivādayeran 13 na śūdreṇa saṃbhāṣeran 14 nādhiṣṇya uttaperan 15 na pratīcyā dvārā patīśālāyā niṣkrāmeyuḥ 16 prāñcamudañcaṃ voccāraṃ kurvīran 17 na bahu vadeyuḥ 18 na dantān darśayeran 16 noccairjakṣuḥ 20 nāhutasyāśnīyuḥ 21 nainānanyonyānaśnataḥ paśyet 22 sarveṣāṃ savanānāṃ prāśnīyuḥ 23 krodhānṛte varjayeyuḥ 24 etāni vratāni dīkṣāsu 25 dīkṣopasatsu vā 26 vā satrāntāt 27 udayāstamayāvabhyāśrāvaṇaṃ ca bahirvedi prasṛte varjayeyuḥ 28
iti drāhyāyaṇaśrautasūtre saptame paṭale tṛtīyaḥ khaṇḍaḥ 3