Vidhimargaprapa 40.3.1

40.3.1

kijjai | diyā vā rāo vā parokkhībhūyassa muhaṃ muhapottiyāe bajjhai pāṇipāyaṃguṭṭhaṃgulimajjhesu īsi phālijjai | pāyaṃguṭṭhā paropparaṃ bajjhaṃti hatthaṃguṭṭhā ya | mayagadehaṃ ṇhavittā aghaṃgacolapaṭṭaṃ saṃthārakiḍīe kīrai,
dorehiṃ bajjhai | muhapotti-cilimiliyāo ciṃghaḍuṃ pāse ṭhavijjaṃti | jayā rāīe paralogo havai tayā acchīnimīlagaṃ kijjai, aṃgovaṃgā samā dharirjaṃti, muhaṃ jhaḍa tti ḍhakijjai hoṭṭhamīlaṇeṇaṃ | navakāro suṇāvijjai
hatthapāyaṃguṭṭhaṃtaresu chedo kijjai | paṃcagamavi nibbhayapāsāo kārivijjai | uvauṭṭehiṃ paharao dāyavvo | tattha
je sehā bālā apariṇayā ya te osāreyavvā | je puṇa gīyatthā abhirū jiyaniddā uvāyakusalā āsukāriṇo mahābala-parakkamā mahāsattā duddharisā kayakaraṇā apamāiṇo ya te jāgaraṃti | kāiyamattayamapariṭṭhaviyaṃ
pāse ṭhaviṃti | jai uṭṭhei aṭṭahāsaṃ vā muṃcai to mattāo kāiyaṃ vāmahattheṇa gahāya 'mā uṭṭhe, bujjha bujjha
gujjhagā, mā mujjha' ii bhaṇatehiṃ siṃceyavvaṃ | tahā kalevaraṃ nijjamāṇaṃ jai vasahīe uṭṭhei vasahī mottavvā
nivesaṇe palahīe nivesaṇaṃ, sāhīe gharapaṃtīe sāhī, gāmamajjhe gāmaddhaṃ, gāmadāre gāmo, gāmassa ujjāṇassa
ya aṃtarā maṃḍala visayakhaṃḍaṃ, ujjāṇe kaṃḍaṃ, mahallayaṃ visayakhaṃḍaṃ, ujjāṇanisīhiyaṃtare deso, nisīhiyāe
thaṃḍile rajjaṃ mottavvaṃ | tattha egapāse muhuttaṃ saṃcikkhaṃti | to jai nisīhiyāe uṭṭhei tattheva paḍai ya, to vasahī
mottavvā | nisīhiyāe ujjāṇassa ya antarā nivesaṇaṃ, ujjāṇe sāhī, ujjāṇassa gāmassa ya antare gāmaddhaṃ,