Pramāṇa · Search · About · API

Pamcasaga 4

Cūrṇi of Yaśodeva 4

Language
Prakrit

4.1

" tassa gurusta mūle-sagāse samīpe ityarthaḥ | aṇeṇa anbhatthadhammasavaṇapaḍiseho darisio, vivarīyabodhasaṃbhavāo, 'suyadhammo 'tti āyaniyaaṇuvayādisarūvo, aṇeṇa asuyadhammassa nāṇābhāvāu vayapaḍivattī na suṃdaratti (graṃ. 1000) asuyadhammassa vayapaḍivattiniseho daṃsio, jao bhaṇiyaṃ āgame-"jassa no saṃmaṃ uvagayaṃ bhavaī, ime jīvā ime ajīvā ime tasā ime thāvarā, tassa no supaccakkhāyaṃ bhavaṃti, duppaccakkhāyaṃ bhavai, se duppaccakkhāī mosaṃ bhāsaṃ bhāsai, ṇo sacaṃ bhāsaṃ bhāsai" tti | tathā 'saṃviggo' tti mokkhasuhābhilāsī saṃsārabhayabhīo vā, na puṇo riddhijasāikāmo, 'ittaraṃ'-appakālaṃ-caumāsāikālavahiṇā ityarthaḥ, vāsaho vigappe, 'iyaraṃ'-bahukālaṃ jāvajīvaṃ ityarthaḥ, etthavi vāsaddo vigappe, thūlapāṇavahaṃ 'vajjittu'-paccakkheūṇa 'tago' tti, so sāvago 'samaṃ'ti bhāvasuddhīe, 'vajjei' pariharai, no āsevai, 'ime ya aiyāre' ime-uvari bhannamāṇe aiyāre-aikkame vadhaviraidūsaṇāṇi ityarthaḥ, bhaṇiyaṃ bīyaṃ bhaṃyadāraṃ | saṃpayaṃ taiyadāraṃtassa vivaraṇaṃ jahā saṃmatte | saṃmattalābhavisiriso pāena desavirailābhavittī ao ettha na bhannaitti, jo puṇa viseso puvvaṃ na bhaṇio so bhannai-" saṃmattaṃmiti patte bīyakasāyāṇa uvasamakkhaeṇaṃ | taviraīpariṇāmo evaṃ savvāṇavi vayāṇaṃ |
" ' saṃmatte patte 'tti apattasaṃmattassa viraipariṇāmo tāva na hoi ceva, ao patte'vitti bhaṇiyaṃ | ' bīyakasāyāṇaṃ ' apaccakkhāṇānāmagāṇaṃ, ' uvasamakkhaeṇaṃ 'ti khaovasameṇa paḍhamavayalāvo, evaṃ savvāṇavi musāvāyāīṇaṃ vayāṇaṃ lābho hoitti | saṃpayaṃ dosadāraṃ"pāṇāivāyaaniyattaṇaṃpi ihaloyaparabhave dosā | paimāriyā ya etthaṃ jattādamago ya didvaṃtā |
" bhāvattho akkhāṇagāṇusāreṇa neyavvo, tattha paḍhamaṃ imaṃ-ego maruo ajjhāvao, tassa taruṇī mahilā, sā baliṃ vaissadevaṃ karaṃtī bhaṇai-' ahaṃ kāgāṇa vīhemi 'tti, tato uvajjhāyaniuttā cauddā diṇe diṇe dhaṇugehiṃ gahitehiṃ rakkhaṃti, baliṃ vaissadeṃvaṃ karoti, tatthego caḍḍo ciṃtei-na esā muddhā jā kāgāṇa bīheti asatiyā esā, so ya taṃ paricarai, sā ya nammayāe pārakūle piṃḍāro teṇa samaṃ saṃpalaggiyā, annayā nammayaṃ ghaḍaeṇa taraṃtī piṃḍārasagāsaṃ vaccati, corā ya uttaraṃti, tesimego suṃsumāreṇa gahio, so raḍati, tāe bhannai-acchiu ḍhakkehitti, ḍhaṃkie mukko, tīe bhaṇiyā-kiṃ va kutitthyeṇa uttinnā ? so khaṃḍito taṃ

4.8

bheyadāraṃ bhaṇai-' duviho ya so vaho hoi' so pubabhaṇio vaho duviho-duvikappo hoi, kahaṃ duviho hoi ?, bhannai'saṃkappāraṃbhehiṃ' ti tattha jīvamāraṇābhippāo saṃkappo, payaṇakisimāī puṇa āraṃbho, evaṃ tāva duviho vaho, tattha thūlagapāṇavahaviraipaḍivajjamāṇo sāvago 'vajjai'-paccakkhāṇeṇa pariharai thūlagapāṇavahaṃ | paccakkhāṇaṃ ca āvassayacunnīe evaṃ bhaṇiyaṃ-"thūlagaṃ pāṇāivāyaṃ saṃkappao paccakkhāmi jāvajīvāe duvihaṃ tiviheṇa, maṇeṇa vāyāe kāeṇaṃ na karemi na kāravemi tassa bhaṃte ! paḍikkamāmi, niṃdāmi, garihāmi, appāṇaṃ vosirāmi" | kahaṃ vajjei ?, 'saṃkappao' tti vahapariṇāmaṃ āsajja, na āraṃbhao vi, gihatthāṇaṃ āraṃbhacajjaṇaṃ na saṃbhavaittikārḍa, 'vihiṇa' tti āgamabhaṇiyanīīe | so ya vihī imo-

4.9

guru-sannāṇakiriyājuo samaṃ dhammastatthaatthadesago, ahavā "jo jeṇa suddhadhamme nioio saṃjaeṇa gihiṇā vā | so ceva tassa bhannai dhammagurū dhammadāṇāo |

Linked texts (1)