Pamcasaga 23
Paṃcāsaga 23
- Language
- Māhārāṣṭrī Prakrit
23.1
saṃlehaṇā-āgamapasiddhā sā iha pagaraṇe na bhaṇiyā, keṇa kāraṇeṇa na bhaṇiyā ?, bhannai-aṃte-jīvivāvasāṇe na
niogā-na avassaṃbhāveṇa sāvagassa saṃlehaṇā hoi, kamhā ?, bhannai-jeṇa kāraṇeṇa paccavae-pavajjaṃ paḍivajjai koītahāvihapariṇāmajutto sāvago, tamhā-teṇa kāraṇeṇa no-na ceva iha-saṃkhittapagaraṇe bhaṇiyā, sā puṇa iha saṃkhittapagaraṇe
sutte abhaṇiyāvi uvaogiṇittikāuṃ bhannai—
tattha tāva sāvageṇaṃ bhavavallikaṃdaṃ kaṇṇagataruvisanibisesa sayaladuhanidāṇaṃ sugaimaggāpihāṇaṃ paccakkhiya tivihaṃtiviheṇa
micchattaṃ, aṇṇāṇamavirayakhatarubīyaṃ mayalamuṇamūlaṃ paḍivajjiya saṃmattaṃ, kugainibaṃdhaṇakammabaṃdhajalapavāhapāli maggādisuhaheupunnapabaṃdhajaṇaṇīṃ asaṃkhabhavovaciyakammabāhinijaraṇao mokkhāroggaramāyaṇaṃ gaheūṇa desaviraī " navakāreṇa vivohau " iccāivihiṇāṇuṭṭhāṇapareṇa ahāuyaṃ paripālaṇīyaṃ, tahā gāmāgamaṇasaṃbhave taduciyasāmāyārī pauṃjaṇapareṇa ya bhavitavvaṃ,
tahāhi-" ahigaraṇakhāmaṇaṃ khalu ceiyasāhūṇa vaṃdaṇaṃ ceva | saṃdesami vibhāsā jaigihiguṇadosavekkhāe
23.2
sāhuṇa
sāvagāṇa ya sāmāyārī vihārakālami | jatthatthiya ceiyāī vaṃdāvaṃtī tahiṃ savvaṃ
23.3
paḍhamaṃ tao ya pacchā vaṃdaṃti
sayaṃ siyā na velatti | paḍhamaṃ ciya paṇihāṇaṃ karaṃti saṃghaṃmi uvauttā
23.4
pacchākayapaṇihāṇā viharaṃtā sāhumāi
daṭṭhūṇaṃ | jaṃpaṃti amugagāme devā vaṃdāviyā tujjhe
23.5
te viya kayaṃjaliuḍā saddhā saṃvegapulaiyasarīrā | avaṇāmi
uttamaṃgā taṃ bahu mannaṃti suhajhāṇā
23.6
tesi paṇihāṇāo iyaresiṃpi ya suhāu jhāṇāu | punnaṃ jiṇehi bhaṇiyaṃ nau
saṃkamautti to merā
23.7
te puṇa kayapaṇihāṇā vaṃdittā neva vā nivedaṃti | paccakkhamusāvāī pāvā khu jiṇehiṃ te
bhaṇiyā
23.8
jeviya kayaṃjaliuḍā saddhā saṃvegapulaiyasarīrā | bahu mannaṃti na sammaṃ vaṃdaṇagaṃ te vi pāvatti
23.9
jaivi na vaṃdaṇavelā teṇāimaesu ceie tahavi | daṭṭūṇaṃ paṇihāṇaṃ navakāreṇāvi saṃghaṃmi
23.10
taṃmi vi kae samāṇe
vaṃdāvaṇagaṃ niveiyavaṃti | tayavāvami pamāyā doso maṇio jiṇiṃdehiṃ
23.11
eyaṃ sāmāyāriṃ ṇāūṇa vihīe je pauṃjaṃti
te hoṃti ettha kusalā sesā savve akusalā u
23.12
" etthaṃti viharaṇavihīe tahā-" anne abhiggahā khalu niraiyāreṇa hoṃti kāyavvā | paḍimādaovi ya tahā visesakaraṇijjajogā ya
23.13
" tatthannebhiggahā jahā-" paḍhamaṃtagilāṇesu ya
āgamagahaṇe ya loyakaraṇe ya | uttarapāraṇagaṃmi ya dāhāmī evamāīyā
Commentaries (1)
- Cūrṇi of Yaśodeva — Yaśodeva, Prakrit