Pamcasaga 26
Paṃcāsaga 26
- Language
- Māhārāṣṭrī Prakrit
26.1
nihaṇa haṇa giṇha daha paya uviṃdha paviṃdhabandhacharuvāhiṃ | paccakāle lole ghore dhūre khārehiṃ siṃcehā ||14||” evamāi saṃveganibaṃdhavayaṇehiṃ tassa samāhī kāyavā | tahājai koi chuhāe pivāsāe vā pīḍiutti bhattaṃ pāṇaṃ vā maggejjā, tattha kiṃ paḍhamabīyaparīsahehiṃ pīḍio obhāsai kiṃvā
paṃtadevayāhidviutti jāṇaṇanimittaṃ so bhannai-ko tumaṃ ? kiṃ gīyattho agīyattho vā ? kiṃ divasaṃ aha rāi ?, tāhe jai so
avitahaṃ bhaṇai to nāyavaṃ na esa paṃtadevayāhidvio, kiṃ tu chuhādikilaṃto obhāsaitti, tao jaṃ obhāsai taṃ dāyavaṃ | ettha
coyago bhaṇai-kiṃ kāraṇaṃ paccakkhāe puṇovi dijjai ?, uccate-he coyaga ! parīsahasennaṃ teṇa jeyavvaṃ, tao tapparājayaṃnimittaṃ
johasseva kayacabhūo paccakkhāevi tassa āhāro dāyavo-“jamhāhāreṇa viṇā samāhikāmo na sāhae taṃ tu | tamhā samāhiheuṃ
dāyavvo tassa āhāro
26.1-2
sarīramujjhiyaṃ jeṇa ko saṃgo tassa bhoyaṇe ? | samāhisaṃdhaṇāheuṃ dijjae so u aṃtae ||2||” tahātassa abbhujjayamaraṇamabbhuvagayassa jai duvihaṃ vihaṃ na kajjai to micchattaṃ gacchejjā, jahā-so ujjeṇīsāvao, micchattaṃ ca
ca gayassa pavajjāparipālaṇaṃ abbhujjayamaraṇaṃ ca niratthagaṃ bhavati | saraṇamuvagayāṇaṃ sahāyagattaṃ ca na kayaṃ bhavai pāyaṃchittaṃ ca
paḍiyaragā pāvaṃti, tamhā vihaṃ kāyavvaṃ, taṃ ca daṭṭūṇa appaṇo paresiṃ ca kallāṇaṃ karei, taṃ puṇa duvihaṃ-sarīre uvagaraṇe ya,
tattha sarīre bhattaṃ paccakkhāiukāmeṇa loo kāyavvo, jai paccakkhāevi cirajīviutteṇa vaṭṭaṃti bālā to dhuvaloyaṃ karei
kāravei vā, uvagaraṇe puṇa rayaharaṇaṃ pāse kajjai, colapaṭṭao aggao niyaṃsijjai, muhapottiyāe muhaṃ bajjhaṃti | tahāso bhattapaccakkhāyao gihīṇaṃ na pagāsijjai, kiṃ kāraṇaṃ ?, pagāsie jai na nittharai tao savvesi lahuttaṃ bhavai | ko puṇa
tattha anivvahaṇe vihī ?, bhannai-so ego vā hojja apegā vā, tattha jo ego sovi nāo anāo vā hojja, evaṃ bahugāvi,
tattha causu jo nāo na nittharai, tassa ṭhāṇe jo anāo so javaṇiyaṃtario ṭhavijjai, ego puṇa nāo jai na nittharai to jai bīo saṃlehaṇaṃ karitto atthi so tattha ṭhāvevvo, tassaṃtareṇa cilimitī kāyavvā, jehiṃ nāo diṭṭho ya te jai
vaṃdaṇā ejja to tesiṃ na daṃsiyavvo, mā jāṇie uḍḍāhaṃ karejja, te bhannaṃti-bāhiṃ ceva ṭhiyā vaṃdaha, samāhīe khavago acchaitti,
aha natthi saṃlihaṃto anno tāhe vasabho ṭhavijjai, etthavi cilimilimāijayaṇā sā ceva kāyavvā, tāhe bīe taie vā divase
bhannai-rattiṃ kālagao so pariṭhavio ya, jo so na nicchinno so pacchanno dhārijjai, gilāṇapaḍikammaṃ ca kīrai, jāva paḍhamāliṃyaṃ karei, jo taṃ khimai-bhattapaccakkhāṇapaḍibhaggotti tassa pacchittaṃ, tāhe sayaṃ ceva niggacchaṃti, ahavā so sahāo
akattha pesijjai, mā tattha acchaṃto jaṇeṇa jāṇijjihī, jo na nāu so jaivi na nittharejja tahavi natthi uḍḍāho, evaṃ
saparakammaṃ bhāṇiyaṃ, evaṃ aparakkammaṃpi eeṇa ceva vihiṇā bhāṇiyavvaṃ, navaraṃ khīṇajaṃghābalo vuḍḍhatteṇa mariukāmo maggalle bhattaṃ
paccakkhāi, ahavā imehiṃ payārehiṃ mariukāmo bhattaṃ paccakkhāijjā, taṃ jahā-visaṃ pauṇīeṇa dinnaṃ hojjā, visaiyāe vā akkakkibhūo āyaṃko vā kovi tahāviho jāo, dubbhikkhe vā bhatte alabbhamāṇe, jahā-egattha sāhūhiṃ acchaṃtehiṃ tāva na nāyaṃ jāva
dubbhikkhaṃ pattaṃ, tao niggaṃtuṃ na sakkanti, tao kosalamasāvaeṇa te samāsāsiṃyā-savvaṃ dubbhikkhakālaṃ ahaṃ tujjhaṃ jogaṃ
vahissāmi, bujjhaṃte ya joge putto me patto ciṃtei-savvaṃ davvaṃ viṇāsihi-jai me piyā jīvīhī, tao piyā viseseṇa uvvittā,
sāhūṇaṃ chinnaṃ joggāsaṇaṃ, eehiṃ kāraṇehiṃ sagacche ceva bhatta paccakkhāyavaṃ, asakkeṃtassa imo vihī-usmāmanirohaṃ vā karejja,
gaḍḍapiṃḍaṃ vehaṇasaṃ vā karejjā, evaṃ asivavijjuvāyādisu daṭṭavvaṃ | tahā-“ puviṃ sīyalaṃgovi hu pacchāsaṃjāyātivasaṃvego
āloyaṇaṃ tu dāuṃ karei vihiṇā aṇasaṇaṃ tu
26.2
ettha ya āhāro khalu uvalakkhaṇameva hoi nāyavo | vosirai
tao savvaṃ uvautto bhāvasallepi
26.3
aṇṇaṃpi va appāṇaṃ saṃvegāissayao caramakāle | mannai visuddhabhāvo jo so ārāhao
bhaṇio
26.4
vajjai ya saṃkiliṭṭhaṃ visemao nayarabhāvaṇaṃ eso | uvaūṃsiyajīvavīrio tao ya ārāhaṇaṃ lahai
26.1-3
”
“kaṃdappadeva 1 kibbhisa 2 abhiyogā 3 āsurā ya 4 saṃmohā 5 | esā u saṃkiliṭṭhā paṃcavihā bhāvaṇā bhaṇiyā
26.2-2
jo saṃjaovi eyāsu appamatthāsu vaṭṭai kahiṃci | so tavvihesu gacchai suresu majo caraṇahīṇo
26.3-2
kaṃdappe kukkuie dussīle yāvi hāsaṇakare ya | vimhāvito ya para kaṃdappaṃ bhāvaṇaṃ kuṇai
26.4-2
kahakahakahassa hasaṇaṃ
kaṃdappo aṇihugā ya saṃlāvā | kaṃdappakahākahaṇaṃ kaṃdappuvaesasaṃsattā yā
26.5
munayaṇavayaṇadaṃsaṇachuehiṃ karapāyaknamāīhiṃ | taṃ taṃ karei jaha hassae paro appaṇo ahasaṃ
26.6
bhāsai duyaṃ gacchae ya dariuva goviso sarae | saddavaddavakārī phuṭṭai va ṭhio vi dappeṇaṃ
26.7
vesavayaṇehiṃ hāsaṃ jaṇayaṃto appaṇo paresiṃ ca | aha hāsaṇotti mannai ghayaṇova
chale niyacchaṃto
26.8
surajālamāiehiṃ tu vimhayaṃ kuṇai tavvihajaṇassa | tesu na vimhayai sayaṃ āhuṭṭa kuhaḍaesaṃ ca
Commentaries (1)
- Cūrṇi of Yaśodeva — Yaśodeva, Prakrit