Pamcasaga 6.1

6.1

bhaṃga eva | musaṃ na bhaṇāmitti eyaṃmi puṇa na kiṃci, na bhaṃgo, na yāvi aiyāro, tahāvi sahasākāraaṇābhogehiṃ aikkamavaikkamaaiyārehiṃ vā paḍhamavayadugassa musāvāe paraṃpayaṭṭhāvaṃtassa aiyāro hoitti | ahavā vayasaṃrakkhaṇabuddhīe paravuttaṃtakahaṇaduvāreṇa mosovaesaṃ daṃtassa aiyāro, vayasāvekkhattaṇeṇa musāvāe parapavattaṇeṇa ya bhaṅgamaṅgarūvaṃ vayaṃtiṃkāuṃ | kūḍalehakaraṇaṃ
tu jaivi kāeṇa musāvāyaṃ na karemitti eyassa vayassa, kāeṇa na karemi na kāravemitti eyassa vā vayassa bhaṃga eva,
eyavayapagāretare puṇa na kiṃcivi, tahāvi sahasākārāiṇā aikkamāiṇā vā aiyāro | ahavā musāvāutti musāmaṇaṇaṃ mae
paccakkhāyaṃ, eyaṃ puṇa lihaṇaṃ, evaṃvihabhāvaṇāe muddhabuddhissa vayasāvekkhavassa aiyārotti | bhaṃgo aiyārabhāvaṇāu bhaṇio
bhāvaṇā puṇa imā-“tesiṃ namāmi payao sāhūṇaṃ guṇasahassakaliyāṇaṃ | jesiṃ muhāu niccaṃ saccaṃ amayaṃ va pajjharai ||1||” tti
bhaṇiyaṃ bīyāṇuvayaṃ | saṃpayaṃ taiyaṃ bhannai, tattha adattādāṇasarūvaṃ tāva nirūvijjai“sāmījīvādattaṃ titthayareṇaṃ taheva ya gurūhiṃ | eyamadattasarūvaṃ parūciyaṃ āgamadharehiṃ