Pramāṇa · Search · About · API

Suyagada p151

Sūtrakṛtāṅgaṭīkā p151

Language
Sanskrit

p151

mū. (326) samajiṇittā kalusaṃ aṇajjā, iṭehi kaṃtehi ya vippahūṇā |
te dubmigaṃdhe kasiṇe ya phāse, kammovagā kuṇime āvasaṃti||ttibemi
vṛ. kiñcānyat-anāryā anāryakarmakāritvāddhiṃsānṛtasteyādibhirāśravadvāraiḥ 'kaluṣaṃ' pāpaṃ 'samaya̭' aśubhakarmopacayaṃ kṛtvā 'te' krūrakarmāṇo 'durabhigandhe' narake āvasantīti saṃṭaṅkaḥ, kimbhūtāḥ?-'iṣṭaiḥ' śabdādibhirviṣayaiḥ ‘kamanīyaiḥ' kāntairvividhaṃ prakarṣeṇa hīnā vipramuktānarake vasanti, yadivā | yadarthaṃ kaluṣaṃ samarjayanti tairmātāputrakalatrādibhi kāntaiśca viṣayairviprabhuktā ekākinaste 'durabhigandhe' kuthitakalevarātiśāyini narake ‘kṛtsne' saṃpūrṇe'tyantāśubhasparśa ekāntodvejanī- ye'śubhakarmopagatāḥ ‘kuṇime'tti māṃsapeśīrudhirapūyāntraphipphisakaśmalākule sarvāmadhyādhamebībhatsadarśane hāhāravākrandena kaṣṭaṃmā tāvadityādiśabdabadhiritadigantarāleparamādhame narakāvāseā-samantādutkṛṣṭatastrayastriṃśatsagaropamāṇiyāvadyasyāṃvā narakapṛthivyāṃyāvadāyustāvad 'vasanti' tiṣṭhanti, iti parisamāptayarthe, bravīmīti pūrvavat |
adhyayanaṃ-5 uddeśakaḥ-1 samāpta
- adhyayana-5 uddeśakaḥ-2:vṛ. uktaḥ prathamoddeśakaḥ, sāmprataṃ dvitīyaḥ samārabhyate-asya cāyamabhisambandhaḥ, ihānantaroddeśake yaiḥ karmabhirjantavo narakeṣūtpadyante yādhgavasthāśca bhavantyetatpratipāditam, ihāpi viśiṣṭataraṃtadevapratipādyate, ityanena saṃbandhenāyātasyāsyoddeśakasya sūtrānugameaskhalitādiguṇopetaṃ sūtramuccāraṇīyaṃ, taccedammū. (327) ahāvaraṃ sāsayadukkhadhamma, taṃbhe pavakkhāmi jahātaheṇaṃ |
bālā jahā dukkaḍakammakārī, vedaṃti kammāiṃpurekaḍāī|| vṛ. 'atha' ityānantarye 'aparam' ityuktādanyadvakṣyāmītyuttareṇa sambandhaḥ, śaśvadbhavatīti śāśvataṃ-yāvadāyustacca tahukhaṃca śāśvataduḥkhaṃ taddharma-svabhāvo yasmin yasya vā narakasya sa tathā tam, evambhūtaṃ nityaduḥkhasvabhāvamakṣinimeṣamapi kālamavidyamānasukhaleśaṃ 'yāthātathyena' yathā vyavasthitaṃ tathaiva kathayāmi, nātropacāro'rthavādo vā vidyata ityarthaḥ|
__'bālāḥ' paramārthamajānānā viṣayasukhalipsavaḥ sāmpratekṣiṇaḥ karmavipākamanapekṣamāṇā 'yathā' yena prakāreṇa duṣṭaṃ kṛtaṃ duṣkṛtaṃ tadeva karma-anuṣṭhānaṃ tena vā duṣkṛtena karma-jñānāvaraṇādikaṃ tadduṣkṛtakarmatatkartuṃśīlaṃ yeṣāṃte duṣkṛtakarmakāriṇaḥta evambhūtāḥ 'purākṛtāni' janmāntarārjitāni karmāṇi yathā vedayanti tathā kathayiṣyāmīti| mū. (328) hatthehi pāehi ya baṃdhiūṇaṃ, udaraṃ vikattaṃti khurāsiehiṃ |
giṇhittu bālassa vihattu dehaṃ, vaddhaṃ thiraṃ piṭṭhato uddharaṃti|| vṛ.yathāpratijñātamāha-paramādhārmikāstathāvidhakarmodayātkrīḍāyamānāḥ tānnārakānhasteṣu pādeṣu baddhodaraṃ 'kṣuraprāsibhiḥ' nānāvidhairāyudhaviśeṣaiḥ 'vikartayanti' vidārayanti, tathā parasya bālasyevākiñcitkaratvādvālasya lakuṭādibhirvividhaṃ 'hataṃ' pīḍitaṃ dehaṃ gṛhītvā 'vardha' carmaśakalaṃ 'sthiraṃ' balavat ‘pṛṣṭhataḥ' pṛṣṭhideśe 'uddharanti' vikartayantyevamagrataḥ pārśvataśceti api ca

Linked texts (1)