Thanamga 2.3.16.1
Ṭhāṇaṃga 2.3.16.1
- Language
- Ardhamāgadhī Prakrit
2.3.16.1
ghāyaïsaṇḍē dīvē puratthimaddhē ṇaṁ mandarassa pavvayassa uttara-dāhiṇē ṇaṁ dō vāsā paṇṇattā-bahusamatullā jāva taṁ jahā-bharahē cēva ēravaē cēva, ēvaṁ-jahā jambuddīvē tahā etthavi bhāṇiyavvaṁ jāva dōsu vāsēsu maṇuyā chavvihampi kālaṁ paccaṇubhavamāṇā viharanti taṁ jahā — bharahē cēva ēravaē cēva, navaraṁ- kūḍasālī cēva ghāyaīrukkhē cēva, dēvā-garulē cēva vēṇudēvē sudaṁsaṇē cēva, ghāyaïsaṇḍē dīvē paccatthimaddhē ṇaṁ mandarassa pavvayassa uttara-dāhiṇē ṇaṁ dō vāsā paṇṇattā-bahusamatullā jāva taṁ jahā — bharahē cēva ēravaē cēva ēvaṁ-jahā jambuddīvē tahā etthavi bhāṇiyavvaṁ jāva chavvihampi kālaṁ paccaṇubhavamāṇā viharanti taṁ jahā — bharahē cēva ēravaē cēva, navaraṁ-kūḍasāmalī cēva mahādhāyaīrukkhē cēva, dēvā-garulē cēva vēṇudēvē piyadaṁsaṇē cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati