Viyahapannatti v5.p10

v5.p10

atastebhyaḥ, iha ca caturthyarthe ṣaṣṭhī prākṛta śailīvaśāt |
avidyamānaṃ vā rahaḥ- ekāntarūpo deśaḥ antaścamadhyaṃ giriguhādīnāṃ sarvaveditayā samastavastustomagatapracchannatvasyābhāvena yeṣāṃ te araho'ntaraḥ atastebhyo'raho'ntarbhayaḥ | athavā avidyamāno rathaḥ syandanaḥ sakalaparigrahopalakṣaṇabhūto'ntaśca vināśo jarādyupalakṣaṇabhūto yeṣāṃ te arathāntā atastebhyaḥ |
athavā ‘arahaṃtāṇaṃ’ti kvacidapyāsaktimagacchadbhayaḥ kṣīṇarāgatvāt | athavā arahayadbhayaḥ prakṛṣṭarāgādihetubhūtamanojñetaraviṣayasaṃparke'pi vītarāgatvādikaṃ svaṃ svabhāvamatyajadbhaya ityarthaḥ |
- 'arihaṃtāṇaṃti pāṭhāntaraṃ tatra karmārihantṛbhyaḥ, āha ca - "aṭṭhavihaṃpiya kammaṃ aribhūyaṃ hoi sayalajīvāṇaṃ | taṃ kammamariṃ haṃtā arihaṃtā teṇa vuccati ||
'aruhaṃtāṇa' mityapi pāṭhāntaraṃ tatra 'arohadbhayaḥ' anupajāyamānebhyaḥ, kṣīṇakarmmavījatvāt, āha ca

"dagdhe bīje yathā'tyantaṃ, prādurbhavati nāṅkuraḥ | karmmabīje tathā dagdhe, na rohati bhavāṅkuraḥ ||
namaskaraṇīyatā caiṣāṃ bhīmabhavagahanabhramaṇabhītabhūtānāmanupamānandarūpaparamapadapurapathapradarśakatvena paramopakāritvāditi |
‘namo siddhāṇaṃ’ ti, sitaṃbaddhamaṣṭaprakāraṃ karmendhanaṃ dhmātaṃ-dagdhaṃ jājvalyamāna śukladhyānānalena yaiste niruktavidhinā siddhāḥ |
athavā 'ṣidhu gatau' iti vacanāt sedhanti sma-apunarāvṛttyā nirvṛtipurīmagacchan | athavā 'ṣidhu saṃrāddhī' itivacanāt siddhayanti sma niṣṭhitārthā bhavanti sma, athavā 'ṣidhūñ śāstre māṅgalye ca' itavacanāt sedhanti sma-śāsitāro'bhūvan maṅgalyarūpatāṃ cānubhavanti smeti siddhāḥ || athavā siddhāḥ-nityāḥ, aparyavasānasthitikatvāt, prakhyātā vā bhavyairupalabdhaguṇasadohatvāt, āha

-
“dhyātaṃ sitaṃ yena purāṇakarmma, yo vā gato nirvṛtisaudhamūrdhni | khyāto'nuśāstā pariniṣṭhitārtho, yaḥ so'stu siddhaḥ kṛtamaṅgalo me || atastebhyo namaḥ, namaskaraṇīyatā caiṣāmavipraṇāśijñādarśanasukhavīryādiguṇayuktatayā svaviṣayapramodaprakarṣotpādanena bhavyānāmatīvopakārahetutvāditi |
'namo āyariyāṇaṃ’ti, ā-maryādayā tadviṣayavinayanarūpayā caryante-sevyante jinaśāsanārthopadeśakatayā tadākāṅkṣibhirityācāryā, uktañca -
119 11 “suttatthaviū lakkhaṇajutto gacchassa meḍhibhūo ya | gaṇatattivippamukko atyaṃ vāei āyario ||
athavā ācāro-jñānācārādi pañcadhā ā-maryādayā vā cāro - vihāra ācārastatra svayaṃkaraṇāt prabhāṣaṇāt pradarśanāccetyācāryā, āha ca