Viyahapannatti v5.p12

v5.p12

"loke' manuṣyaloke na tu gacchadau ye sarvasādhavastebhyo nama iti|
eṣāṃ ca namanīyatā mokṣamārgasāhāyakakaraṇenopakāritvāt, āha ca||1|| “asahāe sahāyattaṃ kareṃti me saṃyamaṃ kareṃtassa |
eeṇa kāraṇeṇaṃ namāmi'haṃ savvasāhūṇaṃ || nanuyadyayaṃsaṅakṣepeṇa namaskārastadā siddhasādhūnāmeva yuktaḥ, tadgrahaṇe'nyeṣāmapyarhadādīnāṃ grahaṇāt, yato'rhadādayona sādhutvaṃ vyabhicaranti, athavistareṇa tadā ṛṣabhādivyaktisamuccāraṇato'sau vācyaḥ syāditi, naivaṃ |
yatonasādhumātranamaskāre'haṃdādinamaskāraphalamavāpyate, manuṣyamātranamaskāre rājādinamaskāraphalavaditi karttavyo viśeṣato'sau, prativyakti tu nāsau vācyo'śakyatvādeveti
nanu yathāpradhānanyānamaṅgīkṛtya siddhādirānupūrvīyuktā'tra, siddhānāṃ sarvathā kṛtakṛtyatvena sarvapradhānatvāt, naivam, arhadupadeśena siddhānāṃjñānamānatvādarhatāmevaca tīrthapravarttanenātyantopakāritvādityarhadādirevasā, nanvevamācāryādi prāpnoti, kvacitkāle ācāryebhyaḥ sakāśādarhadādīnāṃ jñāyamānatvāt, ata eva ca teṣāmevātyantopakāritvāt, naivam, ācāryāṇāmupadeśadānasāmarthyamahadupadeśata eva, na hi svatantrā ācāryādaya upadeśato'rthajñāpakatva pratipadyante, ato'rhanta eva paramārthena sarvārthajñāpakāḥ|
tathā arhatpariṣadrūpā evācāryādayo'tastān namaskṛtyāhannamaskaraṇamayuktam, uktaṃca||1|| “neya koivi parisāe paṇamittā paṇamae ranno"tti ||
evaṃ tāvatparameṣṭhino namaskṛtyādhunātanajanānāṃ śrutajñānasyātyantopakāritvāt tasya ca dravyabhāvaśrutarūpatvātbhāvaśrutasya ca dravyaśrutahetukatvātsañjñā'kṣararūpaṃ dravyaśrutaṃnamaskurvannāha
mū. (2) naṃmo baṃbhīe livīe|
vṛ.lipi-pustakādāvakṣaravinyāsaḥ, sācāṣṭādaśaprakārā'piśrīmannābheyajinena svasutāyā brāhmīnāmikāyā darśitā tato brāhmītyabhidhīyate, āha ca -
lehaṃ livīvihāṇaṃ jiṇeṇa baṃbhīi dāhiṇakareṇaṃ"| | ityato brāhmītisvarūpaviśeṣaṇaṃ liperiti|| nanuadhikṛtaśāstrasyaiva maṅgalatvātkiṃ maṅgalena ?, anavasthādidoṣaprāpteḥ, satyaṃ, kintu śiṣyamatimaṅgalaparigrahārthaṃ maṅgalopādānaṃ śiṣṭasamayaparipālanāya vetyuktameveti, abhidheyādayaḥ punarasya sāmānyena vyākhyāprajñaptiriti nāmnaivoktā iti te punarnocyante, tata eva śrotṛpravṛttyādīṣṭaphalasiddheḥ | tathāhi-iha bhagavatā'rthavyākhyā abhidheyatayā uktāḥ, tāsāṃca prajñāpanā bodho vā'nanta-raphalaṃ, paramparaphalaṃ tu mokṣaḥ, sa cāsyā''ptavacanatvādeva phalatayā siddho, na hyāptaḥ sākṣāt pāramparyeṇa vā yannastra mokṣāṅgaṃ tapratipādayitumutsahe, anāptatvaprasaṅgāt, tathā'yameva sambandho yadutāsya śāsyedaṃ prayojanamiti |
tadevamasya śāsyaikaśrutaskandharūpasya sātirekādhyayanaśatasvabhāvasya uddeśakasahasrī (10000) pramāṇasya ṣaṭatriṃśapraśna (36000) sahasraparimāṇasyaaṣṭāśītisahasrādhikalakṣadvaya (288000) pramāṇapadarāśermaṅgalādīna darśitāni |