Viyahapannatti v5.p8

v5.p8

namo namo nimmala daṃsaṇassa paṃcama gaṇadhara śrī sudharmāsvāmine namaḥ
5 bhagavatī aṅgasūtraṃ
saṭīkaṃ
( aparanāma - vyākhyā prajñaptyaṅgasūtra-saṭīkaṃ)
(mūlam + abhayadevasūriviracitā vṛttiḥ)
||2||
||1|| sarvajñamīśvaramanantamasaṅgamagryaṃ, sārvvīyamasmaramanīśamanīhamiddham | siddhiṃ śivaṃ śivakaraṃ karaṇavyapetaṃ, śrīmajinaṃ jitaripuṃ prayataḥ praṇaumi || natvā śrīvarddhamānāya, śrīmate ca sudharmmaṇe | sarvānuyogavṛddhebhyo, vā sarvavidastathā || etaṭṭīkācūrṇī jīvābhigamādivṛttileśāṃśca | saṃyojya pañcamāṅgaṃ vivṛṇomi viśeṣataḥ kiñcit ||
vyākhyātaṃ samavāyākhyaṃ caturthamaṅgam, athāvasarāyātasya 'vivāhapannatti' ttisañjñitasya pañcamāṅgasya samunnatajayakuñjarasyeva lalitapadapaddhatiprabuddhajanamanorañjakasya upasarganipātāvyavasvarūpasya ghanodāraśabdasya liṅgavibhaktiyuktasya sadākhyātasya sallakṣaṇasya devatādhiṣṭhitasya suvarṇamaṇḍitoddeśakasaya nānāvidhādbhutapravaracaritasya ṣaṭatriṃśatpraśnasahasrapramāṇasūtradehasya caturanuyogacaraṇasya jñānacaraṇanayanugalasya dravyāstikaparyāyāstikanayadvitayandamuśalasya niścayavyavahāranayasamunnatakumbhadvayasya prastāvanāvacanaracanāprakāṇḍaśuṇḍādaṇsya nigamanavacanātucchapucchasya kālādyaṣṭaprakārapravacanopacāracāruparikarasya utsargāpavādasamucchaladatucchaghaṇṭāyugalaghoṣasya yaśaḥpaṭahapaṭupratiravāpūrṇadikacakravālasya syādvādaviśadāṅkuśavaśīkṛtasya vividhahetuhetisamūhasamanvitasya mithyātvājñānāviramaṇalakṣaṇaripubaladalanāya śrīmanmahāvīramahārājena niyuktasya balaniyuktakakalpagaṇanāyakamatiprakalpitasya muniyodhairanābādhamadhigamāya pūrvamuniśilpikalpitorbahupravaraguṇatve'pi hrasvatayā mahātāmeva vāñchitavastusādhanasamarthayorvṛtticūrṇināḍikayostadanyeṣāṃcajīvābhigamādivividhavivaraṇadavarakaleśānāṃ saṃghaṭṭanena bṛhattarā ata evāmahatāmapyupakāriṇī hastināyakādeśādiva gurujanavacanātpūrvamuniśilpi - kulotpanairasmābhirnāḍikeveyaṃ vṛttirārabhyate, iti śāstraprastāvanā |
||3||
śatakaṃ - 9
| atha 'vivāhapannatti 'ttikaḥ śabdārtha ?, ucyate, vividhā jīvājīvādipracuratarapadārthaviṣayāḥ ā-abhividhinā kathañcinnikhilajñeyavyāptayā maryādayā vā parasparāsaṃkīrṇalakṣaṇābhidhāna rūpayā ? khyānāni bhagavato mahāvīrasya gautamādivineyān prati praśnatapadārthapritapādanāni