Viyahapannatti v6.p239

v6.p239

rayaṇappabhāe puḍhavī puḍhavīkāiyattāe uvavajittae se ṇaṃ bhaṃte! ki puvvi sesaṃ taṃ caiva jahā rayaṇappabhāpuḍhavikāie savvakappesu jāva īsipa bhārāe tāva uvavāio evaṃ sohammapuḍhavikāiovi sattasuvi puḍhavīsu uvavāeyavvo jāva ahesattamāe |
evaṃ jahā sohampuḍhavikāio savvapuḍhavīsu uvavāio evaṃ jāva īsipabbhārāpuḍhavikāi savvapuḍhavīsu uvavāeyavvo jāva ahessatamāe, sevaṃ bhaṃte ! 2 ||
-: śatakaṃ - 17 uddeśakaḥ-8 :
mū. (711) āukkāie ṇaṃ bhaṃte ! imīse rayaṇappabhāe puḍhavīe samoha0 2 je bhavie sohamme kappe āukāiyattāe uvavajjittae |
evaṃ jahā puḍhavikāio tahā āukāiovi savvakappesu jāva īsipavbhārāe taheva uvavāeyavvo evaṃ jahā rayaṇappabhāāukāio uvavāio tahā jāva ahesattamāpuḍhaviā - ukāio uvavāeyavvo jāva īsipabbhārāe, sevaṃ bhaṃte ! 2 ||
-: śatakaṃ - 17 uddeśakaḥ-9:
mū. (712) āukāie ṇaṃ bhaṃte! sohamme kappe samohae samoha0 je bhavie imīse rayaṇappabhāe puḍhavīe ghanodadhivalaesu āukāiyattāe uvavajittae se ṇaṃ bhaṃte! sesaṃ taṃ caiva evaṃ jāva ahesattamāe jahā sohammaāukkāṃio evaṃ jāva īsipabbhārāāukkāio jāva ahesattamāe uvavāeyavvo, sevaṃ bhaṃte ! 2 ||
-: śatakaṃ - 17 uddeśakaḥ - 10 : -
mū. (713) vāukkāie ṇaṃ bhaṃte ! imīse rayaṇappabhāe jāva je bhavie sohamme kamme vāukvāiyattāe uvajjittae se ṇaṃ jahā puḍhavikāio tahā vāukāiovi navaraṃ cāukkāiyāṇaṃ cattāri samugdhāyā paṃ0, taṃ0 - vedaṇāsamugdhāe jāva veuvviyasamugdhdhae, māraṇaṃ tiyasamugdhāeṇaṃ samohaṇamāṇe deseṇa vā samo0 sesaṃ taṃ caiva jāva ahesattamāeṃ samohao isīpabbhārāe uvavāeyavvo, sevaṃ bhaṃte ! ||
-: śatakaṃ - 17 uddeśakaḥ - 11 :
mū. (714) vāukkāie ṇaṃ bhaṃte! sohamme kappe samohae sa0 2 je bhavie imīse rayaṇappabhāe puḍhavīe ghanavāe tanuvāe ghanavāyavalaesu tanuvāyavalaesu vāukvāiyattae uvavajjettae se ṇaṃ bhaṃte sesaṃ taṃ caiva evaṃ jahā sohamme vāukāio sattasuvi puḍhavīsu uvavāio evaṃ jāva īsipabbhārāe vāukkāio ahesattamāe jāva uvavāeyavvo, sevaṃ bhaṃte ! 2 ||
-: śatakaṃ - 17 uddeśakaḥ-12ḥ
mū. (715) egiṃdiyāṇaṃ bhaṃte ! savve samāharā savve samasarīrā evaṃ jahā paḍhamasae bitiyauddesae puḍhavikāiyāṇaṃ vattavvayā bhaṇiyā sā ceva egiṃdiyāṇaṃ iha bhāṇiyavvā jāva samāuyā samovavannagā | egiṃdiyā ṇaṃ bhaṃte! kati lessāo pa0 ?, goyamā ! cattāri lessāo paṃ0, taṃ - kaṇhalessā jāva teulessā |
eesi ṇaṃ bhaṃte! egiṃdiyāṇaṃ kaṇhalessāṇaṃ jāva visesāhiyā vā ?, goyamā ! savvatthovā egiṃdiyāṇaṃ teulessā kāulessā anaṃtaguṇā nīlalessā visesāhiyā kaṇhalesā visesāhiyā | eesi ṇaṃ bhaṃte! egiṃdiyā ṇaṃ kaṇhalessā iḍḍī jaheva dīvakumārāṇaṃ, sevaṃ bhaṃte ! 2 ||