Viyahapannatti v6.p53

v6.p53

bhagavatīaṅgasūtraṃ (2) 11/-/12/527 posahovavāsehiṃ ahāpariggahiehiṃ tavokammehiṃ appāṇaṃ bhāvemāṇe bahūiṃ sīlavvayaguṇavayaveraṇapañcakkhāṇaposahovavāsehiṃ ahāpariggahiehiṃ tavokammehiṃ appāṇaṃ bhāvemāṇe bahūiṃ bāsāiṃ samaṇovāsagapariyāgaṃ pāuhiti ba0 2 māsiyāe saṃlehaṇāe attāṇaṃ jhūsehiti mā0 2 saṭṭhi bhattāiṃ aṇasaṇāī chedehiti 2 āloiyapaḍikka te samāhipatte kālamāse kālaṃ kiñccā sohamme kappe aruṇābhe vimāṇe devattāe uvavajjihiti, tattha ṇaṃ atthegatiyāṇaṃ devāṇaṃ cattāri paliovamāiṃ ṭhitī pannattā |
tattha ṇaṃ isibhaddaputtassavi devarasa cattāri paliovamāiṃ ṭhitī bhavissati | se ṇaṃ bhaṃte ! isibhaddaputte deve tāto devalogāo āukkhaeṇaṃ bhava0 ṭhiikkhaeṇaṃ jāva kahiṃ uvavajjihiti ?, goyamā ! mahāvidehe vāsa sijjhihiti jāva aṃtaṃ kāheti | sevaṃ bhaṃte ! sevaṃ bhaṃte! tti bhagavaṃ goyame jāva appāṇaṃ bhāvemāṇe viharai |
mū. (528) taṇaṃ samaṇe bhagavaṃ mahāvīre annayā kayāvi ālabhiyāo nagīo saṃkhavaṇāo ceiyāo paḍinikkhamai paḍinikkhamittā bahiyā jaṇavayavihāraṃ viharai |
teṇaṃ kāleṇaṃ teṇaṃ samaeṇaṃ ālamiyā nāmaṃ nagarī hotthā vannao, tattha ṇaṃ saṃkhavaṇe nāmaṃ ceie hotthā vannao, tassa ṇaṃ saṃkhavaṇassa adūrasāmaṃte poggale nāmaṃ parivvāyae parivasati riuvvedajajuravedajāvanaesa supariniṭṭhie chachaṭṭeṇaṃ anikkhitteṇaṃ tavokammeṇaṃ uḍḍa bāhāo jāva āyāvemāṇe viharati | tae ṇaṃ tara po galarasa chaṭṭachaṭṭeṇaṃ jāva āyāvemāṇassa pagatibhaddayāe jahā sivassa jāva vibbhaṃge nāmaṃ annāṇe samuppanne, seṇaṃ teṇaṃ vibhaṃgeṇaṃ nāṇeṇaṃ samuppanneṇaṃ baṃbhaloe kappe devāṇaṃ ṭhitiṃ jāṇati pāsati |
50
tae ṇaṃ tassa poggalassa parivvāyagassa ayameyārūve ammatthie jāva samuppajjitthā asthi ṇaṃ mamaṃ aisese nāṇadaṃsaṇe samuppanne, devaloesu ṇaṃ devāṇaṃ jahantreṇaṃ dasavāsasahassāiṃ ṭhitī pannattā te paraṃ samayāhiyā dusamayāhiyā jāva ukkoseṇaṃ asaṃkhejjasamayāhiyā ukkoseṇaṃ dasasāgarovamāiṃ ṭhitī pannattā teṇa paraṃ vocchinnā devā ya devalogā ya, evaṃ saṃpeheti evaṃ 2 āyāvaṇabhūmīo pañccoruhai ā0 2 tidaṃḍakuṃḍiyā jāva dhāurattāo ya geṇhai ge0 2 jeṇeva ālaṃbhiyā nagarī jeṇeva parivvāyagāvasahe teṇeva uvāgacchai uvā0 2 bhaṃḍanikkhevaṃ kareti bhaṃ0 2 ālaṃbhiyāe nagarīe siṃghāḍaga jāva hesu annamannassa evamāikkhai jāva parūvei |
atthi ṇaṃ devāṇuppiyā ! mamaṃ atisese nāṇadaṃsaṇe samuppanne, devaloesu ṇaṃ devāṇaṃ jahantreṇaṃ dasavāsasahassāiṃ taheva jāva vocchinnā devā ya davelogā ya | tae ṇaṃ ālaṃbhiyāe nagarīe eeṇaṃ abhilāveṇaṃ jahā sivassa taṃ caiva jāva se kahameyaṃ manne evaṃ ?, sāmī samosaḍhe jāva parisā paḍigayā, bhagavaṃ goyame taheva bhikkhāyariyāe taheva bahujaṇasaddaṃ nisāmei taheva bahujaṇasaddaṃ nisāmettā taheva savvaṃ bhāṇiyavvaṃ jāva ahaṃ puṇa goyamā ! evaṃ āikkhāmi evaṃ bhāsāmi jāva parūvemidevaloesu ṇaṃ devāṇaṃ jahantreṇaṃ dasa vāsasahassāiṃ ṭhitī pannattā teṇa paraṃ samayāhiyā dusamayāhiyā jāva ukkoseṇaṃ tettīsaṃ sāgarovamāiṃ ṭhitī pannattā, teṇa paraṃ vocchinnā devā ya devalogā ya |
atthi ṇaṃ bhaṃte! sohamme kappe davvāiṃ savannāiṃpi avannāiṃpi taheva jāva haṃtā atthi, evaṃ īsāṇevi, evaṃ jāva accue, evaṃ gevejjavimāṇesu aṇuttaravimāṇesuvi, īsipabbhārāevi jāva