Viyahapannatti p113

p113

bhagavatīcūrṇiḥ suhumasaṃparāgāvatthāe lobhāṇu vedeti, teṇa sakasāyī lobhakasāyī ya | tattha jo uvasāmato so tatiya bhaṃge | khavago nissesaṃ khavetukāmo so catutthabhaṃge, teṇa cattāri bhaṃgā | kohātitige ādi dugameva uvasamādi asaṃbhavāto akasādisavvovasaṃtakhavitakasāto vā teṇaṃtillaṃ dugaṃ | sajogiṇo jāva selesiṃ ṇa paḍivajjati teṇa catubhaṃgo | ajogī selesisiddhāvatthā teṇaṃtillo savvasiddhāṇaṃ siddhatāṇaṃ, sāgārāṇāgārā saṃbhavaṃti caubhaṃgo | “eso pāveṇa jīvo uhiu jīvā ya" gāhā-||0||cha|
uhī jīvalessā padaṃ | salessa kaṇhādi cha | alesehiṃ (... vakkhittaṃ ... ) sukkehiṃ duvihaṃ | diṭṭhī, sammaddīṭṭhī micchaddiṭṭhī | sammamicchadiṭṭhiehiṃ tivihaṃ | ṇāṇapadaṃ paṃcahā-matiādi | aṇṇāṇaṃ tivihaṃ-matiaṇṇāṇādi | savedatāvedayasahitaṃ vedapadaṃ paṃcahā | saṇṇāpadaṃ ṇosaṇṇā sahitaṃ paṃcahā | sakasāyā sakasāyasahitaṃ kasāyapadaṃ chavvihaṃ | uvayogapadaṃ, sāgārāṇāgārabhedeṇa duvihaṃ | sajogā'joga sesa tatiya sahitaṃ jogapadaṃ paṃcahā | ettha catusu ṭhāṇesu paṃkādisu jīvo maggito | ahuṇā ṇeraito etesu ceva maggijati | tattha jīvaṭṭhāṇe paḍhamaṃ suddhaṃ ṇeratito tato ceva lessādipadavisesito bhavissati | jahāsaṃbhavaṃ etesiṃ padāṇaṃ ca atthajotaṇā karetavvā | kaṃṭhā ya cevaṃ | cauvvīsā daṃḍapayādiyamādi kātūṇaṃ lessādisūvajogaṃ tesu sahitaṃ khaṃdhādicatuṭṭhāṇamaggaṇā kujjā | paḍhama pāveṇaṃ savvaṃ ṇettavvaṃ | tato ṇā(ṇā)varaṇijādiaṭṭameṇa tettha pāveṇa ceva ṇeratito maṇijati | ‘ṇeratie bhaṃte !' tti | ettha jato uvasamakhavagaṭṭhāṇapariṇāmo ṇatthi teṇa taduya ṇiseho paḍhamo bhaṃgo | jo ṇa sijjhissati bitie, jo uvaṭṭittā tato sijjhihiti | evaṃ savvaṭṭhāṇehiṃ lessā cārayassa ya visesiehiṃ do bhaṃgā | ṇavaraṃ lessādi padāṇaṃ ṇidhata saṃbhavi visesā jāṇitavvā | evaṃ maṇussa vajā jāva vemāṇitā | etesu ṭhāṇesu appaṇijjato saṃbhavi visesā nūṇaṃ baṃdhādicatuṣkādiduge bhāṇitavvā | maṇussapadaṃ jaheva jīvapadaṃ | uhiyaṃ catuṭṭhāṇa vibhāsasaṃbaṃdhe lessādivisesagatamabhihitaṃ taheva ṇetavvaṃ | cha | adhuṇā etāṇi ceva ṇāṇāvaraṇijje ya vipajjasayi (...) ettha jīvādipadesasavvaṃ sarisataṃ pāveṇa bhāṇitūṇa ṇavaraṃ sakasādisu kato suhumāṇu vedaviseseṇa | ihaṃ puṇa jo chavvihaṃ baṃdhī so ṇiyamā ṇāṇāvaraṇaṃ baṃdhati | uvasama-khavaga-kevaliṇo ete egaviha vedaṇija baṃdhagā ābhibhaṃgadugagamato | sesaṃ taheva jahā pāvohie evaṃ ṇeraiyādibhedavisesādhiyā vāṇamaṃtara-ṇeraiyādibhedo jahā maṇussapadaṃ uhitajīvapadatullaṃ | evaṃ darisaṇāvaraṇamavi | jīveṇaṃ bhaṃte ! veyaṇijapucchā | tatthādīe jīvapade ādibhaṃgo jo ṇa sijjhissati | bitito aṇaṃtarabhavasiddhito | catuttho selesipaḍivaṇṇato | tatito ṇatthi | jato vedaṇijjaṃ ṇa paritūṇaṃ puṇo baṃdhissati | savva