Viyahapannatti p112

p112

evaṃ bhavasiddhiyajīvo ṇerayādisu puvvapadehiṃ visesito ṇeyavvo vemāṇiyaṃto 25|9 cha | | abhavasiddhieṇa vi |25|10||cha| sammadiṭṭhiṇā vi |25|11|| micchadiṭṭhiṇā vi |25|12|| paṇuvīsatimaṃ sataṃ sammattaṃ |cha|
jīveṇaṃ bhaṃte ! pāvaddhī atītakāle baṃdhati vaṭṭamāṇe baṃdhissati ? esa kāle uhitakāle uhitajīve ṇava cattāri vi bhaṃgā saṃti | erisā je te kāliyā te vi baṃdha ti jo to abhavvādi so jo khavago bhavissati tattha bitito bhaṃgo | uvasāmato tatito | kevalibhavattho pāeṇa bhavati | ekko aṭṭhahiṃ kammehiṃ aṭṭha tavvā | ṇavadaṃḍagasaṃgahito ekke ko hoti uddeso|
jīvā ya lessa pakkhika, diṭṭhī ṇāṇe taheva aṇṇāṇe | saṇṇā veya kasāe, uvatoge ceva joge ya ||1||
salesso pāvakammuṇā catusu baṃdhādisu maggijati | tattha jāva bhavatthakevalī tāva lessāto saṃbhavaṃti | teṇa cattāri vi bhaṃgā | kaṇhalessā bhede ādillā do| jato uvasamakhavagesu sā ṇatthi tahā jāva pamhato cādilla dugaṃ | sukkā catusu vi saṃbhavati | selesisiddhā alessā | tesu aṃtimo kaṇhapakkhito uvaṭṭassa poggalapariyaṭṭassa jo parato sijjhissati tattha paḍhama bititā atthasiddhī | sukkapakkhito vaṭṭamāṇasamatāraddho poggalapariyaṭṭaanbhiṃtarasiddhīto | tattha bhavatthakevali aṃtapariggaho kato teṇa catubhaṃgo | evaṃ sammaddiṭṭī pade vi | micchatta-sammāmicchā jāto uvasama-khavagāvatthāto ṇa pāveṃti teṇārilla dugaṃ | ṇāṇesu catusu vi ṭhāṇāṇi cattāri, jato labbhaṃti teṇa bhaṃgo kevalaṇāṇaṃ ṇiyamā aṃtima bhaṃge | aṇṇāṇi uvasama-khavagāvatthāto ṇa pāvaṃti | ato ādidugaṃ | āhārādisu causu vaṭṭamāṇo uvasama khavagaṭhāṇāruho jeṇa tattha ṇosaṇṇā ṇāṇasaṇṇāṇi ya, jati vi vedaṇijjāto āhārasaṇṇā, tahā vi tattha lobhakkhatāto uvasammāto vā gehī patthi | ato dugamādilla ṇosaṇṇāe ṇāṇassaṇṇāe | jato sāvaga sāhuṇo vi uvauttā caubhaṃgo | savedayā itthi-purisa-napuṃsayavedatā jāto | uvasāmaga-khavagattāīṇa paḍivajaṃti teṇādi dugaṃ | avedato appaṇijjayavedaṃ khavettā uvasamettā vā saṃjalaṇakodhādisu vaṭṭamāṇo labbhati | tattha jo kālo so tihā kajjati | mohaṇijaṃ pāvabaṃdhī ya lanbhati | tadaṃtarāle teṇa avedae catubhaṃgo | sakasāto lobhehiṃ jato duviho seṇipaḍivaṇṇato khavago uvasāmago ya | so ya